Skip to main content

Se billeder: Peqqinneq sammineqarpoq

Nakorsat, peqqissaasut, ilisimatuut il.il. 300-t ataatsimeersuarnerup Nunamed arfineq-aappassaanik ingerlanneqarnerani peqataapput. Tamanna Nuummi pivoq, tassanilu Steen Lynge tikilluaqqusivoq

– Taama amerlatigisut peqataanerat programmilu pissanganartoq annertoqisorlu kakkageqaakka. Tamatuma takutippaa Kalaallit Nunaanni Issittumilu ilisimatusarnerup qanoq soqutigineqarginersua. Isumaqarpunga kusanartuusoq ataatsimeersuarnermik nammineq ingerlatsisaratta Kalaallit Nunaanni peqqissuseq sammillugu - atisuumik itisuumillu.
Taamatut oqarpoq peqqissutsimut attaveqarnermullu Naalakkersuisoq Steen Lynge, Atassut, arfininngormat ullaakkut Nunamed-imi ataatsimeersuarnerit arfineq-aappassaannut peqataasut 300-t missarpiaanniittut tikilluaqqugamigit. Ataatsimeersuarneq Nuummi HHE-mi ingerlanneqarpoq, tassani peqqinnissaqarfimmi sulisut, ilinniagaqartut ilisimatuullu 100-t sinnerlugit saqqummiussatigut suliassaqarfinni assigiinngitsuni ilisimasanik avitseqatigiissallutik, napparsimasunut, peqqinnissaqarfimmut innuttaasullu peqqissusaannut iluaqutaasumik.
– Nuannaarutigaara meeqqat inuusuttullu programmini pingaarutilimmik inissisimammata. Tassami meeqqat, inuusuttut ilaqutariillu immikkut anguniagassatut suaarutigineqarsimapput innuttaasut peqqissusaannut programmini Inuuneritta II-mi, taannalu tassaavoq 2019-ip tungaanut inuit peqqissuunissaannut anguniakkavut, Steen Lynge oqarpoq.
Ilanngullugu nuannaarutigaa ataatsimeersuarnermi Inuuneritta II-p suliuteqarfii ilaatinneqarmata, tassalu imigassap, imminut toquttarnerup pinaveersaartinneqarnissaa tarnikkullu peqqissuunissap sammineqarnerat.
Ataatsimeersuarneq ataasinngormat septembarip 9-anni naassaaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER