Scooterertup arnaq apukkani qimaannaraa
Qaqortumi politiit aqqusinermi angallannermi ajutoornermut ilisimannittunik ujaasipput, tassani arnaq scooterimit aporneqarpoq, aquttorlu uninnani ingerlaannarpoq.
Annonce
RockHousep eqqaani Vatikanbakkenimi pisuinnaat ikaartarfianni pingasunngornermi juunip 26-anni nal. 15.15 tamanna pivoq, politiit taama ilisimatitsipput.
Scooteri ima allaatigineqarpoq:
Qaqortoq saavatigut issiaviatalu sinaatigut taartunik titarnertalik. Aquttoq niaquarnaveeqquteqarpoq, niaqua tamarmi asseqqalluni.
Aquttoq ima allaatigineqarpoq:
Angut 20-t aamma 30-t akornanni ukiulik, 170 cm missaanik angissusilik, tuattoq, qernertumik kavaajalik aamma koorpulik.
- Inuit ajutoornermut takunnittut imaluunniit scooterinik aquttumut nalunnginnittut Qaqortumi politiinut saaffiginneqquneqarput, oqarasuaat 701122, politiinspektørimut tullersortaagallartoq Johan Davidsen tusagassiuutinut nalunaarummi taama kaammattuivoq.