Skip to main content

Savissivimmi akiuussutissat kinguaattooqqasut

Savissivimmiut maajip naanerani siullermeersumik akiuussutissalersorneqarsimapput. Nun.gl naapertorlugu aappassaanik kapitinnissaq pissaaq, siullermik kapitinnermiit sapaatip akunneri pingasut-arfinillit qaangiunneranni, innuttaasulli suli aappassaanik kapitissimanngillat.

Savissivik Qaanaap kujataani 200 kilometerisut ungasitsigisumiittoq 55-it missaannik inoqarpoq. Innuttaasut maajip naanerani siullermeersumik kapitissimasut aappassaanik kapineqarnissartik suli utaqqivaat.

Akiuussutissaq iluaqutaassappat sapaatip akunneri pingasut-arfinillit ingerlaneranni marloriarlutit kapitissaatit. Pissarsiffik: nun.gl 

Nun.gl-imi allassimavoq, siullermik kapitereernerup kingornatigut aappassaanik kapitinnissamut sapaatip akunneri pingasut-arfinillit ingerlaqqassaasut. Savissivimmiut siullermik kapitissimanerannit maanna qaammatit marluk ingerlareerput, aappassaanik kapitinnissamut suli neqeroorfigineqaratik, tassa silap ajornera pissutigalugu peqqinnissaqarfimmit nunaqarfimmut annguttoqarsinnaasimanngimmat.

Kinguneqarnavianngitsoq 

Nunatta Nakorsaaneqarfiani nakorsap Paneeraq Noahsenip erseqqissaassutigaa, siullermik aappassaanillu akiuussutissalertinnerup akornanni qaammatit arlallit ingerlasimagaluarpataluunniit akiuussutissap sunniutaa allanngornavianngitsoq.

- Akiuussutissaq sunniuteqartinniarlugu aappassaanik qaqugukkut kapitissimanissamut piffissaliisoqartanngilaq. Peqqinnissaqarfimmit innuttaasut piaarnerpaamik akiuussutissalerneqarnissaat sulissutigineqarpoq, Paneeraq Noahsen Sermitsiaq.AG-mut oqarpoq.

Danmarkimi Statens Serum Institut (SSI) naapertorlugu, tamakkiisumik akiuussutissaliisoqarsimanngippat aallaqqaataaniik aallartittoqartariaqanngilaq. 

- Piffissaagallartillugu aappassaanik kapitittoqarsimanngippat, akiuussutissaq piaarnerpaamik tunniunneqassaaq. Akiuussutissalersuinerli aallaqqaataaniit aallartinneqanngisaannassaaq, SSI nittartakkamigut allappoq.

Sila akorngutaasoq

Silap ajornera pissutigalugu peqqinnissaqarfik Savissivimmiunik akiuussutissalersuisinnaasimanngilaq. Maaji naalersorli nunaqarfimmukartoqarsinnaasimanngilaq.

- Savissivimmi akiuussutissalersuisussat silap ajornera pissutigalugu anngussinnaasimanngillat. Akiuussutissalersuinerup naammassineqarnissaanut piaarnerpaamillu akiuussutissalersuinissamut periarfissanik misissuivugut, Paneeraq Noahsen oqarpoq.

Nun.gl-imi atuarneqarsinnaavoq, innuttaasut 40,02 procentii marloriarlutik kapitissimasut, innuttaasullu 37 procentingajalluinnaat suli kapitissimanngitsut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER