Savilersorneq: Angut toqutseriarsimasutut unnerluunneqarpoq
Nuummi Nuussuarmi Angut 30-it missaannik ukiulik arnamut 20-t missaannik ukiulimmut savimmik toqutseriarsimasutut unnerluunneqarpoq.
Nuup ilaani Nuussuarmi sakkortuumik arfininngormat pisoqarpoq. Takunnittut arlallit oqaatigaat angut tigusarineqarmat kiinaa assersorsimagaat, tassani kinaanera isertuunniarlugu tigusarineqarnerani kiinaa assersimallugu.
Angut 30-it missaanik ukiulik politiinit tigusarineqarsimasoq nalunaarutigineqarpoq ullumi ataasinngornermi. Toqutseriarsimasutut unnerluunneqarpoq.
Arnaq inuunerminik navianartorsiunngitsoq ilisimatitsissutigineqarpoq.
Pisoq Sermitsiaq.AG-mit allaaserineqareerpoq, ullumi ataasinngornermi angut qanoq unnerluunneqarnersoq ilisimatitsissutigineqarpoq.
Matoqqasumi killisiorneqartoq
Angut sapaatiummat eqqartuussivimmi matoqqasumik sassartinneqarpoq, taamaattumik politiit ilisimatitsissutigisinnaanngilaat pineqartut qanoq attuumassuteqarnersut.
Angut ulluni 25-mi paarigallarneqassasoq eqqartuussiviup aalajangerpaa.
Pisumut misissuineq suli ingerlammat politiit annertunerusumik paasissutissaateqanngillat.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...