Skip to main content

Savalimmiut radar pillugu Trine Bramsenimik isumaqatiginninniariaanngorput

Lagtingip nunanut allanut ataatsimiititaliaani amerlanerussuteqartut akuersaarsimavaat, Savalimmiuni sakkutuut radareqarnissaat pillugu nunanut allanut naalakkersuisup Danmarkimi naalakkersuisunik isumaqatiginninniarnissaanut.

Nunanut allanut naalakkersuisoq Jenis av Rana, Miðflokkurin, Savalimmiuni qaqqap Sornfellip qaavani radarimik timmisartukkut nakkutilliinermi atorneqartussamik ikkussisoqarnissaa pillugu illersornissamut ministerimik Trine Brmasenimik piaarnerpaamik isumaqatiginninniarusuppoq.

Taassuma nunanut allanut ataatsimiititaliaq isumaqatiginninniarnissamut akuersineratigut tamanna Kringvarp Føroyamut oqaatigaa.

Nunanut allanut ataatsimiititaliap suliaq qaammatini marlungajanni oqaluuserisimavaa, naalakkersuisullu naammaginartumik angusaqaruni tamanna ataatsimiititaliamut nalunaarutiginiarpaa.

Jenis av Rana ilisimatitsivoq, Savalimmiormiut tungaanit apeqqutigineqartut akissutissaqartinneqarnissaat piumasaqaateqarsinnaanerlu matumani pineqartut.

- Naammaginartumik angusaqarneq angusaavoq apeqqutigisatsinnut piumasaqaatitsinnullu tamanut akissutissiisoq. Suliassamut atatillugu apeqqutit politikkikkullu apeqqutit oqaluuserissavavut. Imaassinnaavoq naammaginngisatsinnik imaluunniiit akuersaarsinnaanngisatsinnik pisoqartoq, Jenis av Rana Kringvarp Føroyamut oqarpoq.

Nunanut allanut ataatsimiititaliaq aalajangiisussaasoq

Jenis av Ranap suliaq qaqugu aalajangiiffigineqassanersoq ullulerusunngilaa. Nunanut allanut ataatsimiititaliami ilaasortanit arfineq-marluusunit tallimat kissaatigaat, naalakkersuisoq angusaqartoqariarpat nunanut allanut ataatsimiititaliamut nalunaaruteqassasoq.

Tamatuma kingorna Savalimmiuni radariliisoqartariaqarnersoq pillugu nunanut allanut ataatsimiititaliaq inaarutaasumik aalajangiissaaq.

Ilaasortaq ataaseq isumaqarpoq, lagtinget inaarutaasumik aalajangiisariaqaraluartoq. Partiit marluk nunanut allanut ataatsimiititaliami ilaasortaatitaqanngillat.

Savalimmiuni nakkutilliissummik radariliiniarneq Issittumi suliassat ilagaat, nakkutilliinissamut 1,5 milliarder koruunit immikkoortinneqarsimapput.

Radari 400 millioner koruuninik akeqartoq

Illersornissamut isumaqatiginninniarsimasut februaarip aqqarnani isumaqatigiissutip imaa tamanut saqqummiussimavaat. Radari nakkutilliissutissaasoq 400 millioner koruunit missaannik akeqassaaq.

- Savalimmiunit tamanna itigartitsissutigineqassappat, soorunami ataqqissavarput, Trine Bramsen tusagassiortunik katersortitsinermi oqarpoq.

Illersornissamut atatillugu oqaaseqartartut arlallit illersornissamut ministerip oqaasiinut isumaqataapput.

- Savalimmiuni tamanna tapersersorneqanngippat suliassa ingerlatissanngilarput, Ventremi illersornissamut oqaaseqartartoq Lars Christian Lilleholt oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER