nunat avannarliit

Savalimmiut Nunat avannarliit siunnersuisooqatigiiffiannut qinnuteqaataa suli aalajangiiffigineqanngitsoq

Nunat avannarliit siunnersuisooqatigiiffiannut tamakkiisumik ilaasortaanissamut Savalimmiut qinnuteqarnera Købanhavnimi ataatsimeersuarnermi oqallitsitsingaatsiarpoq

Nunat avannarliit siunnersuisooqatigiiffiaani Saavlimmiut tamakkiisumik ilaasortanngorsinnaaneranut inatsit tunngaviusoq sooq aporfiginiarneqarnersoq Savalimmiut lagmandiata Aksel V. Johannessenip paasisinnaanngilaa
Nunat namminersottut kisimik ilaasortaasinnaanerat Tjóðveldip siulittaasuata Høgni Hoydalip isoraa
Nunat avannarliit siunnersuisooqatigiiffiannut Savalimmiut pisinnaatitaaffii pitsanngorsarusullugit statsministeri Lars Løkke Rasmussen suliniuteqarusuppoq
Nunat namminersottut kisimik ilaasortaasinnaanerat Tjóðveldip siulittaasuata Høgni Hoydalip isoraa Kaj Joensen/Det Færøske NyhedsbureauNunat avannarliit siunnersuisooqatigiiffiannut Savalimmiut pisinnaatitaaffii pitsanngorsarusullugit statsministeri Lars Løkke Rasmussen suliniuteqarusuppoq Kaj Joensen/Det Færøske NyhedsbureauNunat avannarliit siunnersuisooqatigiiffiaani Saavlimmiut tamakkiisumik ilaasortanngorsinnaaneranut inatsit tunngaviusoq sooq aporfiginiarneqarnersoq Savalimmiut lagmandiata Aksel V. Johannessenip paasisinnaanngilaa Kaj Joensen/Det Færøske Nyhedsbureau Nunat namminersottut kisimik ilaasortaasinnaanerat Tjóðveldip siulittaasuata Høgni Hoydalip isoraa Kaj Joensen/Det Færøske NyhedsbureauNunat avannarliit siunnersuisooqatigiiffiannut Savalimmiut pisinnaatitaaffii pitsanngorsarusullugit statsministeri Lars Løkke Rasmussen suliniuteqarusuppoq Kaj Joensen/Det Færøske NyhedsbureauNunat avannarliit siunnersuisooqatigiiffiaani Saavlimmiut tamakkiisumik ilaasortanngorsinnaaneranut inatsit tunngaviusoq sooq aporfiginiarneqarnersoq Savalimmiut lagmandiata Aksel V. Johannessenip paasisinnaanngilaa Kaj Joensen/Det Færøske Nyhedsbureau Nunat namminersottut kisimik ilaasortaasinnaanerat Tjóðveldip siulittaasuata Høgni Hoydalip isoraa Kaj Joensen/Det Færøske Nyhedsbureau

Poul Michelsenip, Høgni Hoydalip sinniisuata, Nunat avannarliit siussersuissooqatigiiffiannut qinnuteqaat Christiansborgimi marlunngormat novembarip pingasuanni saqqummiuppaa.

Qinnuteqaallu Nunat avannarliit siunnersuisooqatigiiffiani presidentip suliarisussanngorlugu. Britt Lundberg, Finland sinnerlugu ilaasortaq Ålandimeersoq Presidentitut qinerneqaqqammerpoq ukiullu nikinnerani ivertinneqassalluni.

Qinerneqarlaallu Savalimmiut Nunat avannarliit siunnersuisooqatigiiffianntu sunniuteqaqataarusunnera nuannaarutigaa, neriorsuisinnannanilu tamakkiisumik ilaasortanngorsinnaanissaannut.

Aporfiit

- Qinnuteqaat suli suliarineqanngimmat neriorsuisinnanngilanga. Akorngutissaasinnaasut eqqumaffigineqaqqaartarput isumaqatigiissusiortoqartinnagu. Neriuutingaaralu periarfissaasinnaasut aamma isiginiarneqarumaartut, Britt Lundberg Kringvarp Føroyamut oqarpoq.

Isumaqatigiissut Helsingforsimik taaguutilik Nunat avannarliit siunnersuisooqatigiiffiat malillugu ingerlariaaseqarpoq. Isumaqatigiissummilu nunat namminersortut kisimik ilaasortaasinnaasut allaqqavoq.

Inatsisitigut aporfiusinnaasut Britt Lundbergip eqqumaffiginerarpai taamaattoq qanoq aaliangertoqarumaarneranik oqaaseqarsinnaannginnerarluni.

Ukiuni 40-tuni qinnuteqartarnerit itigartinneqartarneri Høgni Hoydali tupigusuutigaa.

- Maannamut – ukiunilu 40-ni – Savalimmiut qinnuteqaataat inatsisitigut ajornartoqartinnerarlugu itigartitsissutigineqartarpoq. Utoqqatsissutaasulli piviusuunngillat politikkikkut isummersorusunnginnerup kinguneri, Høgni Hoydal oqarpoq.

Saamerliit tapersiipput

Nunat avannarliit siunnersuisooqatigiiffianni ilaasortat suleqatigiikkaaginnaapput. Venstresocialistiskit, Den Grønne Gruppellu. Taakkulu Savalimmiut ilaasortaarusunnerat tapersersorpaat.

- Savalimmiut namminersulivinnissamut alloriangaatsiarnikuupput. Taakkulu tamakkiisumik ilaasortaarusunnerat uagut tapersersorparput, Steingrimur J. Sigfússon, VSG-gruppemi siulittaasoq Kringvarp Føroyamut oqarpoq.

Isumaqatigiissut Helsingsfors utoqqatsissutitut atorneqarsinnaanera pissusissamisuunngitsoq taanna isumaqarpoq.

- Naalaaffiit akornini suleqataaffiusussatut siunnerfeqartuuvoq itigartitsinermut tunngavilersuutitut atorneqarsinnanngilaq, Steingrimur J. Sigfússon oqarpoq.

Danskit Savalimmiullu aaqqiaginngiinerat

Savalimmiut tamakkiisumik ilaasortanngussappat Naalagaaffeqatigiit Danmark Savalimmiullu akornanni ajornartorsiutinngussasoq qinnuteqaammut aporfiit ilagaat.
Naalagaaffeqatigiinnermi inatsisit tunngaviusut, pisinnaatitaanermullu inatsit 2005-meersoq aporfiusinnaasutut taakkartorneqaramik.

Pisinnaatitaanermut inatsit aallaavigalugu namminersulivinnissamut naalagaaffiup ataatsip kisimi aaliangiuffigisinnaanngikkaa allassimavoq. Soorlu nunat assigiinngitsut akornini isumaqatigiissuisiortoqarnerup Savalimmiunut Kalaallit Nunaannullu kalluaasunut tunngatillugu.

Peqqussut DFG-mik taaguuteqarpoq. Nunallu assigiinngitsut akornini isumaqatiginninniartoqartillugu Danmarki Savalimmiut Kalaallit Nunaallu sinnerlugit isumaqatiginninniartuusassasoq allaqqalluni.

- Sapaatip akunnerni tullerni qaammatinilu tulliuttuni oqaluuserisassanut ilaanissaa ilimagaara. Danmarkillu aqutsisui isummertinnagit inernileruminaappoq suliaq qanoq ingerlajumaarnersoq, Nunat avannarliit siunnersuisuini presidentiujunnaartoq Henrik Dam Kristensen (S) oqarpoq.

Unammilligassat

Statsministeri Lars Løkke Rasmussen (V) isumaqatigiisummut Helsingforsimut innersuussivoq. Inatsimmullu tunngaviusumut unammilligassaasinnaasunut tikkuartuilluni. Savalimmiullu nammineq naalagaaffittut Nunani avannarlerni siunnersuisooqatigiiffimmi isiginianeqarnissaanut Danmark aaqqissuussisimaneraneranut.

- Nunat avannarliit suleqatigiinnerinut Savalimmiut peqataanissaat, siunniuteqaqataalluarsinnaanissaat inatsisinillu atuuttunit killilersorneqannginnissaat qulakkeerniarlugu eqqartuineq ingerlateqqikkusuppara, Lars Løkke Rasmussen oqarpoq.

Sisamassaat
Savalimmiut sisamassaaneerluni qinnuteqarneranut tunngaviusumik inatsisit eqqartuinermut ilanngunneqarnera Færørernes lagmandiata, Aksel V. Johannesenip (Javnaðarflokkurin) paasisinnaanngilaa.

- Siornatigut misiginikuunngilara. Tunngaviusumik inatsit aporfigineqarnikuunngisaannarpoq. 1980-mimi statsministeri Anker Jørgensen Savalimmiut sinnerlugu qinnuteqarnikuummat, Aksel V. Johannesen oqarpoq.

Siulersuisuunerit qaqugu qinnuteqaat piareeriissaneraat ullulerneqanngilaq.

Ataatsimiinnermit assit ataani takukkit

Powered by Labrador CMS