Skip to main content

Savalimmiut Brexit-imit eqqugaassanngilaq - isumaqatigiissuteqartoqarpoq

Savalimmiut Tuluit Nunaannik niuernikkut isumaqatigiissuteqalerput. Tamanna Savalimmiuni nunanut allanut naalakkersuisuanit Poul Michelsenimit nalunaarutigineqarpoq

Savalimmiut Tuluit Nunaannik niuernissamut isumaqatiginninniarpoq piffissami sivitsortumi, Brexit atuutilereerpat niuernermut suleqatigiinnissaq anguniarneqarluni.

Isumaqatiginninniarnerit maanna naammassisimalerput. Savalimmiut aamma Tuluit Nunaat niuernikkut isumaqatigiissuteqassapput qaammatip naanerani. 

- Isumaqatigiissut piareerpoq, taamaasilluni Tuluit Nunaat EU-mi ilaasortaajunnaareerpat niueqatigiinnarsinnaassavagut, Savalimmiuni nunanut allanut tunngasunut naalakkersuisoq Poul Michelsen oqarpoq.

Tuluit Nunaata EU-mit ilaasortaajunnaarnissaq 2016-mi taasissutigereeraallu Savalimmiut isumaqatigiissut naammassiniarsarilerpaa. Savalimmiuni marlunnik Brexit pillugu suleqatigiiliortoqarpoq, aamma Tuluit Nunaannit ministerit marluk Savalimmiunut tikeraareerput.

Høgni Hoydal, Tjóðveldi, aamma Poul Michelsen Tuluit Nunaannik suleqateqarnissaq anguniarlugu Tuluit Nunaannut ataatsimiigiartareerput.

- Tuluit Nunaata EU marsip 29-ani qimassagunanngilaa, kisianni nunat niuernikkut suleqatigiinnissaat pillugu suliaq allarluinnaavoq, Poul Michelsen oqarpoq.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER