Savalimmiut aalisakkanik avammut niuernerat aatsaat taama annertutigaaq
2022-mi Savalimmiormiut aalisakkat 11,7 milliardinik nalillit avammut tunivaat.2021-mut naleqqiullugu 26 procentit sinnerlugit amerlisimapput. Aatsaat taama Savalimmiut avammut tunisaat amerlatigaat.
Savalimmiuni aalisakkanik avammut niuerneq aatsaat taama annertutigaaq, aningaasaqarnerlu patajaalluinnarluni.
Siorna aalisakkat avammut tunisat 2,4 milliard koruuninik annertuseriarput 11,7 milliard koruuninut. Tamanna 2021-mut sanilliullugu 26 procentit sinnerlugit annertuseriarneruvoq.
Savalimmiuni naatsorsueqqissaartarfik Hagstova Føroya naatsorsuinermi taamaattumi oqaluttuarpoq.
Savalimmiuni nioqqutissap avammut tunisaanerpaaq kapisilik 1,1 milliard koruuninik siuariarfiuvoq 5,6 milliard koruuninut. Saarulliit avammut tunisat 250 million koruunit missaannik annertusipput 1,1 milliard koruuninut.
Avammut niuernermi siuariarfiunerpaat tassaapput Asiami USA-milu niuerfiit, 72 aamma 63 procentinik annertuseriarfiusut.
USA-mut tunisineq taamaalilluni ukiuni kingullerni tallimani marloriaatinngorpoq.
Allaaserisaq tamaat Sermitsiami saqqummersumi kingullermi atuaruk, uani:
