Skip to main content

Savalimmiuni suliffeqarfik Kalaallit Nunaanni misissuutissamik isumaginnissasoq

Amplexa Genetics Odensemiittoq, kalaallit coronavirusimik misissorneqarneqarnissaannik suliassap naammassineqarnissaa pillugu Kalaallit Nunaanni nunap nakorsaaneranik isumaqatigiissuteqarsimavoq

COVID-19 nunarsuarmi tuniluuppoq, virusilu Kalaallit Nunaannut aamma anngussimalluni. Nunami nappaammut akiuiniarluni iliuusissat isumaginiarlugit pingaaruteqarluinnarpoq innuttaasut misissorneqarnissaat, Kalaallilli Nunaanni misissuinissamut periarsissaqanngilaq. Taamaammat misissugassatut tigusat Københavnimiittumut Statens Serum Institutimut nassiunneqartarput.

Kalaallit Nunaanni kissaatigineqarsimavoq, nunami nammineq misissuisalernissaq. Taamaammat Nunatta Nakorsaanerata Savalimmiormiut Odensemi suliffeqarfiutaat namminersortoq, Amplexa Genetics, Nuummi misissuisarfissamik pilersitsinissamik isumaqatigiissuteqarfigisimavaa.

Amplexa Genetics aqangu marlunngornermi misissuinermi atortussanik sulisussanillu Nuummukartitsissaaq.


Ullormut misissugassanik 100-150-inik tigusisinnaaneq

Atortut atorlugit ullormut misissugassat 100-150-it missaanniittut tiguneqarsinnaalissapput.

Misissugassatut tigusat tamarmik Nuummi misissoqqissaarneqartassapput, innuttaasullu Amplexa Geneticsip misissugassanik tigusineranit ulloq ataaseq ullulluunniit marluk qaangiunneranni akissutisisarnissartik naatsorsuutigisinnaavaat.

Nunatsinni Nakorsaaneq Henik L. Hansen suliniutip ataqatigiissaarnerani aqutsisuusimavoq.

Sukkanerusumik akissutisisalernissaq

Nuummi misissuisoqartalerneratigut innuttaasut sukkanerusumik akissutisisalernissaat qularnanngilaq.

- Coronavirusi nunarsuarmi tamarmi siaruaappoq, inuiaqatigiinnullu annertuumik kingunerluuteqarluni. Ikiorsinnaasavut ikiorusuppagut. Taamaammat Kalaallit Nunaannut ikiuukkiartorsinnaanerput, innuttaasullu ataasiakkaat katsorsartinneqarnerisa sivikillisissinnaanerat, minnerunngitsumillu oqartussat virusimik akiuiniarnerminni eqqortumik aalajangiisinnaanissamut tunngavissaqalernerat nuannaarutigaarput, Hans Atli Dahl, Amplexa Geneticsimi teknikkikkut pisortaq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER