Savalimmiuni qinersineq
Savalimmiuni Socialdemokratit anginerpaanngorput
Aksel Johannesen Savalimmiuni qinersisoqarnerani taaguunneqarluarpoq. Naalakkersuisunngortitsisinnaanissaa aamma naatsorsuutigineqarpoq
Savalimmiuni Socialdemokratini siulittaasoq Aksel Johannesen qinersisoqarnerani taaguunneqarluarpoq marlunngormat.
Taamaasilluni Savalimmiut oqaluttuarisaanerani Aksel Johannesen taaguunneqarnerpaavoq.
Socialdemokratit 25 procentinit taaguunneqarput, partiinilu anginersanngorlutik arfineq pingasunik lagtingimut isertitaqaramik.
- Taaguunneqarnerujussuara tupaallaatigaara. Partiimmali taaguunneqarluarnissaa naatsorsuurtigereerpara, Aksel Johannesen oqarpoq.
Illuatungiliuttut pissaaneq tiguaat
Savalimmiuni qinersisoqareernerani naalakkersuisuutitaqartut lagtingimut 14-nik isertitaqarput, illuatungiliuttut 19-nik isertitaqartut.
Lagmandi Kaj Leo Holm Johannesen kinguariarujussuartoq qinersinermi takuneqarsinnaavoq. Qinersinermit kingullermit sanilliullugu 631-nit taaguunneqannginneruvoq.