Savalimmiuni politiit angummik aallaasersortumik aallaannissimasut

Politiit angutip ataasinngormat Savalimmiuni aallaaneqartup qanoq innera ilisimanngilaat

Savalimmiuni angut ataasinngormat unnukkut politiinit aallaaneqarpoq.

Savalimmiuni politiit marlunngormat tusagassiorfinnut naluaaruteqarnerminni ilisimatitsipput.

Politiit ataasinngornermi unnukkut nalunaaqutaq arfineq-marlunut tanneq tallimanngortoq qeqertamut Vàgarimut aggersarneqarput, tamatumalu kingorna paasineqarpoq, angut najukkaminiittoq timmiarsiummik imminut toqunniarluni siorasaarisoq.

Angutip illumit anillatsinnissaa anguniarlugu politiit ilaqutaasut attaveqarfigaat, politiineersorlu ataaseq pisup nalaani isumaqatiginniartussatut aggersarneqarluni.

Angutilli timmiarsiummik illuminit politiit tungaannut eqqaleriasaarpoq. Politeeq ataaseq amerlasuunit annikitsumik eqqorneqarpoq.

Tamatuma kingorna angut politiinit eqqorneqarsimasoq paasineqarpoq.

Savalimmiuni politiit allapput, angutip qanoq innera ilisimaneqanngitsoq.

Suliami politiit iliuuserisaat paasiniarlugu Københavnimi politiit naalagaaffiullu politiivi ikiorsiullugit suliaq misissorneqartussanngorpoq.

Powered by Labrador CMS