isumasiuititsineq
Savalimmiuni nuannarineqarnerpaat socialdemokratiuvoq
Savalimmiuni naalakkersuisuutitaqartut qinersinissami ajorsarujussuarnissaat naatsorsuutigineqarpoq
Annonse
Innuttaasunik isumasiuititsinerup takutippaa, Savalimmiuni naalakkersuisuutitaqartut arfinilinnik Lagtingemi ilaasortaatitaat ikileriartussaaneri.
Naalakkersuisuutitaqartut maannakkut 20-iupput, lagtingimi 33-ni ilaasortaqartumi.
Naalakkersuisuutitaqartut Sambandspartiet, Folkeflokken aamma Midterpartiet katillugit 14-nik ilaasortaatitaqalernissaat isumasiuinerup takutippaa.
Isumasiuineq takussagaanni, taamaasilluni naalakkersuisuutitaqartut qinersereernerup kingorna illuatungiliuttunngussapput.
Fyndip isumasiuititsinerani innuttaasut 1.116-t apersorneqarput.
Socialdemokratit ingerlalluarnissaat ilimagineqarpoq. Suleqataat katillugit lagtingimi 19-nik ilaasortaatitaqalernissaat isumasiuinerup takutippaa.