Savalimmiormiut Ruslandip sakkortusaarniarnera isumakuluutigaat

Savalimmiormiup folketingimi ilaasortap, Edmund Joensenip Sambandspartimeersup, ministeriunermut Helle Thorning-Schmidtimut Socialdemokraatineersumut Folketingimi marlunngornermi apeqqarissaartoqarnerani ilisimatitsissutigaa savalimmiormiut arlallit Ruslandip sakkortusaarniarnera isumakuluutigigaat.

Danmarki Natop sakkussuianut akiuniarneranut ilanngutissappat, danskit umiarsui sorsuutit russinit atomip nukinganik sakkulersorfigineqarsinnaaneri, Ruslandip Danmarkimi ambassadøriata oqariartuutigisai, lagmandip akuersaarnagit oqariartuuteqareerpoq.

Atuaruk: Ruslandi Danmarkimut atomitalinnik saassussiniarluni aarlerisaarivoq

- Kukkulluinnarput ingattarserluinnarlutillu. Savalimmiuni Kalaallit Nunaannilu sillimaniarnermut tunngasunik ambassadørip oqaaseqarnera allanngortitsiumaartoq ilimaginngilara, ministeriuneq Helle Thorning-Schmidt oqarpoq.

Edmund Joensenip danskit sorsuutaasa Savalimmiut imartaani ‘ersarinnerusumik ersisaarutaanerusumillu’ inissisimalernissaat ujartorpaa.

- Pisussaaffeqarpugut ilisimatitsinissatsinnut Danmarki nunanut allanut tunngasuni politikkikkut suliaqartillugu, ministeriuneq oqarpoq.

- Naalakkersuisut aamma Folketingimip Savalimmiut Kalaallit Nunaallu sillimaniarneq eqqarsaatigalugu politikkimi eqqaamavaat, Helle Thorning-Schmidt oqarpoq.

Atuaruk: Sara Olsvigip Issittumi Siunnersuisooqatigiinni peqataassoqassanersoq paaserusuppaa