Skip to main content

Savalimmiormiut lagmandiata ilaqutariit 60-nik qimaasunik Savalimmiuniititaqarusuppoq

Savalimmiormiut lagmandiata Kaj Leo Holm Johannesenip oqaatigaa Savalimmiuni nunarsuarmioqatitsinnik qimaasunik nuna ikiuisariaqalersoq. Taamatut oqaaseqarnera suleqataanit isornartorsiorneqarpoq

- Qimaasut Savalimmiuniissinnaasariaqarput. 

Savalimmiormiut lagmandiata Sambandspartiimi siulittaasoq Kaj Leo Holm Johannesenip oqaatigaa. 

Naalakkersuisooqataalli Fólkaflokkurin isumaqataanngillat. 

- Ukiuni kingulliunerusuni aatsaat taama amerlatigisunik qimaasoqarpoq. Nittartakkakkut isiginnaarutikkullu aatsaat taama ajortigisunik takuvugut. Nunarsuarmioqatitsinnik ikiuisalernissarput eqqarsaatigilertariaqarparput, Kaj Leo Holm Johannesen ukiortaami oqalugiarnermini ilaatigut oqarpoq. 

Kaj Leo Holm Johannesenip oqalugiaatini raatiukkut itisilerlugu nassuiarpaa Savalimmiut ilaqutariit qimaasut 60-t Savalimmiuni tikilluaqqusaalernissaat anguniarlugu. 

- Una nunatsinni oqaluuserineqarnikuunngisaannarpoq. Qimaasut inooriaatitsinnik akornusersuilernissaat immaqa ernumagalugu suli oqallisigineqarnikuunngilaq, Kaj Leo Holm Johannesen Kringvarp Føroyamut oqarpoq.

Naalakkersuisooqataasut isumaqataanngitsut
Folkeflokken, Midterpartiet aamma Sambandspartiet Savalimmiuni naalakkersuisooqatigiipput. 

Folkeflokkenip siulittaasuata aningaasaqarnermullu ministeriusoq Jørgen Niclasen Savalimmiuni qimaasunik ikiuinissaanik oqariartortoqarnera isumaqatiginngilaa. 

- Ikiuisinnaaffitsinni ikiuissaagut, qimaasummi inuiaqatigiinniileriaannaapput, Jørgen Niclasen Kringvarp Føroyamut oqarpoq. 

Qimaasut nunami sanilerisaminnut ikiorneqarnissamik kissaateqassasut Jørgen Niclasenip oqaatigaa. 

Syriamiut Tyrkiami qimaasut tikeraartareerpai. Qimaasut nunaminnut aammalu kulturiminnut uterusuttuusut Jørgen Niclasenip oqaatigaa. 

- Qimaasut nunaannut uternissaannut ikiuisinnaavugut. Qimaasut Savalimmiuliartut ikitsuinnaat ikiorsinnaavagut, oqarpoq. 

Amnestyp lagmandi isumaqatigaa
Savalimmiuni Amnesty Internationalip lagmandimit oqaaserineqartut isumaqatigai. 

- Qimaasut pillugit oqallittoqalertariaqarpoq. Savalimmiormiut qimaasunik ikiuisalertariaqarput, qimaasummi ikiorneqarnissaminnut pisariaqartitsipput, Amnesty International oqarpoq. 

Qimaasunut apeqqut Danmarkip Savalimmiullu akornanni oqallinneq ajornakusoortuusoq lagmandip oqaatigaa. 

Naalakkersuisut siulittaasuat Kim Kielsen, Siumut, Danmarkiliarnera pissutaalluni oqaaseqartinneqarsinnaasimanngilaq

Qimaasut aamma Kalaallit Nunaannukassappat? Oqallinnermi ataani peqataagit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER