Skip to main content

Savalimmiormiut Islandimiullu immikkut ittumik nunatsinnut isersinnaajunnarput.

Islandimi savalimmiunilu coronap tuniluunnerata annertusisimanera pissutigalugu Naalakkersuisut aalajangersimapput, nunanit taakkunanit inuit nunatsinnut tikissinnaanerannut malittarisassat allanngortinneqassasut.

- Savalimmiuni Islandimilu tunillaassuunnerup annertusiartornera pissutigalugu nunanit taakkunanit marlunnit nunatsinnut angalasunut immikkut sakkukilliliissutit peerlugit nalunaarummik iluarsisamik Naalakkersuisut ippassaq atuutsitsilerput, Naalakkersuisut tusagassiorfinnut nalunaaruteqarnermi ilisimatitsipput.

Tamanna ilaatigut isumaqarpoq Savalimmiunit Nunatsinnut angalasut sumiiffinnit aarlerinartoqarfinnit (nunanit killilersuiffiusunit) Nunatsinnut angalasut allat assigalugit katerittarfinni, aaqqissuussinerni, pisussani il.il. peqataassanngillat imaluunniit niuertarfinni, atuakkanik atorniartarfinni, neriniartarfinni cafénilu il.il. isersimaqqusaanatik Covid-19-imik tunillatsissimannginnermut uppernarsaaqqaratik, Naalakkersuisut allapput.

Taamaattorli ulluinnarni nioqqutissanik pisiniarnerit allatullu pisariaqavissumik pisiniarnissat allanit isumagineqarsinnaanngitsut isumaginissaat akuerineqarput.

Piffissaq killilersuiffiusussaq

- Nunanit killilersuiffiusunit, tassunga ilanngullugu Savalimmiunit Nunatsinnut angalasunut piffissaq killilersuiffiusoq ullunik 14-inik sivisussuseqarpoq. Taamaattorli Nunatsinnut angalasup piffissaq killilersuiffiusoq sivikillisissinnaavaa Covid-19-imut misissortinnermigut taannalu tunillatsissimanngitsoq paasineqarpat. Taamaattorli siusinnerpaamik tamanna pisinnaavoq Nunatsinnut tikinnerup kingorna ullut tallimat kingorna. Misissortinnerup akissuteqarfigineqarnissaata tungaanut Nunatsinnut angalasoq inunnut allanut attaveqassanngilaq. Misissortinneq tunillatsissimanngitsutut paasineqarpat Nunatsinnut angalasoq Covid-19-imik tunillatsissimanngitsutut naatsorsuunneqassaaq, nalunaarummi allassimavoq.

Inuit sapaatip akunnerata kingulliup iluani Savalimmiunit Nunatsinnut angalasut immikkut eqqumaffiginninniaqqullugit aammalu killilersuinermi aalajangersakkanik sapinngisamik malinninniaqqullugit kaammattorneqarput, Naamminersorlutik Oqartussat kaammattuutaat taamatut nipeqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER