Skip to main content

Savalimmiormiut danskisut cpr-normoqalerusuttut

Savalimmiormiut ukiortaamiit danskisut CPR-normoqalersinnaatitaalerput. Savalimmiormiullu 270-t danskisut cpr-normoqalerusullutik qinnuteqareersimalerlutik. Piumaneqarneranik takussutissaalluartoq, lagmandi oqarpoq.

Savalimmiormiut 270-it danskisut CPR-normoqalerusullutik naalagaaffiup ombudsmandianut 1. januar aamma 11. marts akornanni qinnuteqarsimapput. Naalagaaffiup ombudsmandia NemID-qalernissamut 102-nik qinnuteqaatinik aamma tigusaqarsimavoq.

Lagmand Bárður á Steig Nielsen, Sambandspartiet, lagtingimi ilaasortamut Høgni Hoydal, Tjóðveldi, akissuteqarluni ilisimatitsivoq.

Savalimmiormiut Danmarkimi najugaqartut kisimik danskisut CPR-normoqalernissamut periarfissaqarnikuugaluarput.

- Maanna takussutissaallualereerpoq Savalimmiuni danskisut CPR-normoqarnissap aamma NemID-qarnissap pisariaqartinneqarnera. CPR-normumik allanngortitsinerup kingorna Savalimmiormiut danskit susassaqartuinut attaveqarniarnerat pisariinnerulerpoq, Bárður á Steig Nielsen oqarpoq.

Savalimmiuni digitalinngorsaaneq

Savalimmiuni digitalimik atsiorsinnaaneq sulissutigineqarsimavoq, suliniut taaneqarluni “Digitale Færøerne”. Savalimmiormiut digitaliunerusumik oqartussanut attaveqarsinnaanerat suliniummi siunertaavoq.

Høgni Hoydal lagmandimut apeqquteqarnermini tunngavilersuutigaa savalimmiormiut amerlanerusut danskisut CPR-normoqalerpata Savalimmiuni digitaliusumik attaveqarnissamut ineriartortitsinermut akornusiisinnaasoq. Tjóðveldip siornatigut oqariartuutigereerpaa inatsip Savalimmiut Danmarkilu qaninnerulersissagai.

Lagmandi ernumanartoqannginneraavoq

- Pingaaruteqarpoq NemID-imik suliaqarneq aamma savalimmiormiunut digitaliusumik atsiortitsisinnaanermut suliaq akulerunneqassanngitsut. NemID savalimmiormiunit atorneqartarpoq nunanit allanit oqartussanut attaveqarnermut. Oqartussat atortui imminnut unammisuunngillat, atuuffissaminnili immikkoortuni tamarmik atuullutik, lagmandi erseqqissaavoq.

Inatsisissatut siunnersuut upernaaq saqqummiunneqarmat nalunaarutigineqarpoq immikkoortuni sisamani savalimmiormiut danskisut CPR-normoqarnissaat pisariaqarluinnartoq.

Peqqinnissaqarfimmi, naalagaaffiup ataani sulisuni, soraarnerussutisiaqarnermi aamma Danmarkimut nuunnissamut piareersarnermi, NemID pisariaqarluinnarpoq. Kingulliit pineqartut nuunnginnermi piffissaq sioqquterujussuarlugu danskisut CPR-normoqarnissamik pisariaqartitsisarput, ilinniarnermusianut qinnuteqajaartussaaneq ilaatigut pissutigalugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER