Skip to main content

Savalimmiormiut assammik arsarnermi aatsaavissuaq ajugaasimasut

Savalimmiuni angutit assammik arsarnermi nunanut allanut unammisartut EM-imut anngunniunnermi Tjekkiiarmiunut siullermeerlutik tallimanngormat ajugaasimapput.

Savalimmiuni angutit nunanut allanut unammisartut EM-imut anngunniunnermi Tjekkiiarmiunut naligiittupilussuarmik unammereerlutik 27-26-mik ajugaasimapput. Savalimmiormiormut unamminerup annersaani kingulliusimagaluarput, qeqertarmiulli unammingerup  naggataani ajugaasinnaasimallutik.

Savalimmiormiulli ajugaangaluarlutik EM-imut anngutinngitsoorput.

Maluginiagassaavoq, unamminermi Savalimmiormiunik dommereqartoqarsimanera. Dommeriusussaasimagaluartut unammineq qallilluinnartoq coronavirusimik tunillatsissimasut paasineqarsimavoq, dommerissanillu nutaanik pissarsiniarnissamut kingusinaartoqareersimammat, unamminissaq kinguartinniarnagu Savalimmiormiunik dommereqartoqassasoq isumaqatigiissutigineqarsimavoq, Savalimmiuni tusagassiorfik Sosialurin allappoq.

Sungiusaasoq nutaaq

Savalimmiuni Assammik arsartartut Kattuffiat unamminissaq sioqqullugu nalunaaruteqarsimavoq, Peter Bredsdorff sungiusaasutut atorfinitsinneqarsimasoq. Taanna ukiuni arlalinni Silkeborgimi angutinut BSV-meesunut Danmarkimi ukiuni arlalinni assammik arsartartut pitsaanerit akornanniittarsimasunut sungiusaasuusimavoq. Aamma Ulrik Wilbekip angutint nunanut allanut unammisartunut sungiusaasuunerani ikiortitut sungiusaasuusimalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER