Skip to main content

Savalimmiormioq ministereqarnissamik piumasaqartoq

Savalimmiuni partii Folketingimi nunanut avannarlernut ministerimik anguniaqarnermut maanna ilannguppoq. Folketingimut qinigassanngortittoq Annika Olsen, partiimit talerperlermit Folkeflokkenimit qinigassanngortittoq, savalimmiormioq Issittumut ministeriusariaqartoq isumaqarpoq.

Folketingimut ilaasortap Aaja Chemnitz Larsenip (IA), IA Danmarkimi ministeriuninngortussamut aalajangiisuunngussagaluarpat, Issittumi ministereqalersitsiniarluni oqarnerata kingorna savalimmiormioq taama oqariartuuteqarpoq.

Tamatuma Annika Olsen assingusumik piumasaqarluni qisuariaateqartinneraa ilisimaneqanngilaq, kisianni Savalimmiut taanna ministeriuffik tigusariaqaraat, taanna atuartartutut allagaqarnermini oqarpoq.

- Issittumi naalagaaffittut soqutigisagut illersorniarlugit oqaaseqarnissamut periarfissaqarnissaq ilungersuuttariaqartarput. Savalimmiormioq Issittumut ministerinngorpat, maanna Folketingimi Savalimmiut pillugu ataatsimiititaliamit sunniuteqarnerulersissavaatigut, Annika Olsen oqarpoq.
Atuartartutut allagaqarnermini tamanna Folkeflokkenimit aalajangiisutut piumasaqaataaniarnersoq oqaatiginngilaa.
Qinersinissap nalunaarutigineqarnerani, Folkeflokkenimi siulittaasoq, Jørgen Niclasen, savalimmiormiut tv-anni siulittaasut oqallisinneqarnerini, partiip aalajangiisunngussaguni talerperliit taperserniarlugit oqaatigaa.

Issittumi Siunnersuisoqatigiinnut peqataasinnaaneq

Annika Olsen savalimmiuni politikkiani nuimasuuvoq. Taanna Savalimmiuni illoqarfiit annersaanni Thorshavnimi ullumikkut borgmesteriuvoq, siornatigut marlunnik ministeriuffeqarnikuuvoq, 2011-miillu 2015-imut vicelagmandiuvoq.

Savalimmiormiup Issittumut ministeriunerani tamakkiisumik Issittumi Siunnersuisoqatigiinnut ilaasortaatitaqalernermut aqqutissiuisuussasoq, taanna tunngavilersuivoq.
- Nunani avannarlerni suleqatigiinnermut ukiuni sismani ministeritut ullumikkullu "Artic Mayors Forum"-imi ilaasortatut issittumi politikkimut malinnaasorujussuunikuuvunga, taamaattumillu soqutigisanni annersaavoq. Nunat issittumut isersinnaalerumallutik qanoq iliorsimanersut takunikuuara. Tamanna Issittumi Siunnersuisoqatigiinnut tamakkiisumik ilaasortanngornissamut aqqutissarisinnaavarput, Annika Olsen oqarpoq.
Folkeflokkenip Det konservative Folkepartip folketingimut gruppiannut ilannguttaraluarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER