Kangerluarsorujuk

Savaateqarfik qaaqqusivoq

Savaateqarfimmi Kangerluarsorujummiut kujataata mamartuutaanik illoqarfimmiunut misiliititsipput

Makkak Nielsen tikeraanut sassaallernialerpoq

Kujataani foodfestivalimut atatillugu Makkak aamma Larsn Nielsen, savaateqarefimmi Kangerluarsorujummiut, Kujataani illoqarfimmiunut savaateqarfitsik ammatippaat.

Tassani annikitsunnguamik akiliilluni misilinneqarsinnaapput savaaqqat neqaat siatat, kinguleqqiutit, kaffi kaagillu.

Tamatuma saniatigut tikeraat majruuanik, Kujataamiut namminneq kalaallit ´iipiliinik´ taasartagaannik pisisinnaapput.

Savaatillit nuliaat

Ukioq manna foodfestivaleqarnerani sammineqarpoq savaatillit nuliaasa nerisassioriaasiat.

Taamaattumik Makkak aammaLars Nielsenikkut savaaqqat savallu neqaannik, savanillu issuersissimasunit neqinik bedekød-inik taaneqartartunik, naatsiianik nammineq naatitanik akulinnik, sassaallerput.

Aamma oisiarineqarsinnaapput qallersukkat, rullepølsinik tinguaqqamillu nammineq sanaanik, qallersuutillit.

Tamatumalu kingorna kaffillertoqarlunilu tiillertoqarpoq, kaaginik rabarberinik paarnanillu taqqavanngaanneersunik iggiserlugit.

Savaateqarfimmik ingerlatsisuupput Makka aamma Lars Nielsen, ernerallu Kunuk.

inuit 150-it sinnillit kujataata mamartuutaanik mamarsarnissamik periarfissaq tamanna atorsimavaat.

Angallatinik attartorpoq

Kommune Kujalleq angallatinik ilaasartaatinik attartorsimavoq, tamakkunalu Narsap, Qaqortup Kangerluarsorujuullu akornanni uteqattaarlutik angalapput, sapinngisamik amerlasuut savaateqarfimmut takornariarniassammata.

Festivalimi siusinnerusukkut Tasilummi savaatilik Otto Nielsen taamatut ittumilk aaqqissuussisimavoq.

Powered by Labrador CMS