Saunaliornissamut suliniut ingerlaqqittoq
Nuummi ukiuunerani nalunnguaarumatuut, Kommuneqarfik Sermersuup nunaminertamik tunniussinerata kingorna, kajumissutsiminnik suliaqarlutik saunaliortitsinialerput.
Nuummi ukiuunerani nalunnguaartartut ukiorpassuarni kissaatigisimasaat piviusunngoraluttuarpoq. Ukiuunerani nalunnguaartartut qulit 30-llu akornanniittut Nuutoqqami qiperukkap Sassumap Arnaata eqqaani sapaatit tamaasa naapittarput.
Nillerluinnartumi nalunnguaareerlutik qaqigaangamik saunami kissassimaarfeqarsinnaaneq qangali takorluugarisimavaat.
- Ukioq ataatsip matuma siorna suleqatigiissitamik arfinilinnik arfineq-marlunnilluunniit inuttaqartumik pilersitsivugut. Taakku isumassarsiorlutik saunamik pilersitsinissaq misissorsimavaat, Morten Ebbesen Sermitsiaq.AG-mut ilisimatitsivoq.
Kajumissutsiminnik suliaqartut
Suleqatigiissitami illunik titartaasartoq ingeniørilu aamma peqataapput, taakkulu ilisimasaat atorlugit neriuutigineqarpoq saunamik pilersitsinissaq peqatigiiffimmut pilersinneqaqqammersumut qanoq akeqassanersoq paasineqassasoq.
- Suliniut qanorpiaq akeqassanersoq paaserusupparput, taassuma kingorna suliniummut aningaasaliisussarsiussagatta, Morten Ebbesen erseqqissaavoq. Taassuma paaserusuppaa aningaasaqarneq eqqarsaatigalugu suliniutip naammassineqarnissaa piviusorsiortuunersoq.
Taassuma imaani nalunnguaarusuttut Nuutoqqami Sanatoqqap eqqaani sapaatikkut nalunaaqutaq 9.30 peqataajartornissaannut tikilluaqquai.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...