Sarfaq Ittuk anorersuarnerani kinguaattoortoq

Sarfaq Ittuk angallassinermut pilersaarutaa ullormik iluitsungajassuarmik maanna kinguaattooqqavoq. Kinguaattoorneq anorersuarujussuarneranit peqquteqarpoq. Pilersaarutit malillugit angallassineq sapaatip akunnerata naanerani atuleqqinneqassangatinneqarpoq.

Sinerissami anorersuareerluni maanna qatsoriartulerpoq. Ullulli kingulliit anorersuarnerata kinguneranik Sarfaq Ittuk kujataani angallassinermini kinguaattooqqangaatsiarpoq.

Arctic Umiaq Line tusagassiorfinnut taama nalunaaruteqarpoq.

- Kitaani anorersuarnera pissutaalluni Sarfaq Ittuk kujammut ingerlaarnermini kinguaattooqqavoq, Arctic Umiaq Line ilisimatitsivoq.

Sarfaq Ittuk maanna Qeqertarsuatsiaannit aallareerluni Paamiut tungaanukarpoq. Qaqugu Paamiunut tikissanersoq pillugu nalunaaqutaq 18.00 ilisimatitsisoqarumaarluni.

Sarfaq Ittuk Paamiunut nalinginnaasumik marlunngornermi nalunaaqutaq 23.30 tikittaraluarpoq, maannali ullormik ataasingajammik kinguaattooqqalluni.

Angallassineq nalinginnaasunngoqqissaaq

Arctic Umiaq Linemi pisortap tullia, Aviâja Lyberth Lennert Sermitsiaq.AG-mut nassuiaavoq nalinginnaasumik angallassileqqinnissaq sapaatip akunnerata naanerani anguneqassasoq naatsorsuutigalugu.

Taassuma tungaanut angalasussat Arctic Umiaq Linep Facebookiani tikiffissat pillugit malinnaasinnaapput.

Powered by Labrador CMS