Skip to main content

Sarex-imik sungiusarnermit assit 1

Tunup avannaani imaani annaassiniarnermik sungiusarnersuarmit assit takukkit

Ujaasinermik annaassiniarnermillu sungiusarnermit naammasseqqammersumit ´Sarex Greenland Sea 2013´-imit assit siulliit Sermitsiaq.AG-p takutippai.
Umiarsuaq takornariartaasuusaartitaq ´Arctic Victory´, tassaasoq umiarsuaaraq alapernaarsuut ´Vædderen´ ataasinngornermi marlunngornermilu ujaasinermi nassaarineqarnerata kingorna pingasunngornermi sisamanngornermilu annaassiniarnermik sungiusartoqarpoq, takorluukkanut marlunnut avissimasumik. Pingasunngornermi umiarsuarmi takornariartaammi ´ikkarlissimasumi´ issimapput ilaasut 202-t inuttallu 50-it, sisamanngormallu umiarsuarmi annertunerusumik ikuallattoqarpoq.
Piviusorpalaartut
Kigaallassaaserlutik annaassiniartartut, qatserisartut nakorsallu umiarsuarmut takornariartaammut ikipput, tamatumalu kingorna Tunup avannaani Nunami Allanngutsaaliukkami Kong Oscar Fjordimi Ella Ø-mi Mestersvigimilu Kalaallit Nunaanni Politiit, upalungaarsimasut nunanillu arlalinnit annaassiniartartoqatigiit ´ikilertissimasut´ ´toqusimasullu´ nalunaarsorlugillu passuppaat, tamatumalu kingorna ikilertissimasut siullermik helikopterimik Mestersvigimukaateriarlugit kingorna Reykjavikimut timmisartuunneqarput. Islandimi napparsimmaviup ilaasut ikilertissimasut passunnissaannut piareersimavoq, ilaasutullu ikilertissimasuusaartut tassaapput Politiinngorniarfimmi ilinniartut aamma Kalaallit Nunaanni Politiini sulisut.
Assit allaaserisap ataani takukkit
Sarex 2013-imit allaaserisat tamaasa atuakkit
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER