Skip to main content

Sarex-imik sungiusarneq: Ilaasut tammaaneqartut ajunngitsut nassaarineqarput

Inuit 12-it umiarsuarmut takornariartaammut ´Arctic Victory´-mut ilaasut annanniummi tammaaneqartut umiarsuarmit sinerissamik alapernaarsuummit nassaarineqarput

Sarex-imik sungiusarneq:
Umiarsuarmut takornariartaammut ´Arctic Victory´-mut ilaasut 12-it annaassiniartartunit periarfeerunneqartut kiisami ajunngitsumik tusarfigineqarput.
Islandimiut sinerissamik alapernaarsuutaata ´Tyr´-ip ilaasut ajunngitsut nassaarai.
Tamanna pivoq kitaani nalunaaqutaq malillugu 12.13, Tunup avannaani Kong Oscar Fjprd-ip pulammagiaani. Umiarsuup sinerissamik alapernaarsuutip ilaasut umiarsuarmut takornariartaammut Mestersvig-ip avataaniittumut ingerlappai.
Atuaruk: "Sarex-imik sungiusarneq: ´Arctic Victory´-p ilaasut 12-it tammaavai"
Atuaruk: Sarex-imik sungiusarneq: ´Arctic Victory´ suli ´periarfeqanngilaq´"
Atuaruk: Sarex-imik sungiusarneq: "Umiarsuaq takornariartaat ´periarfeeruppoq´"
Ataasinngormat ullaakkumiit marlunngornermi ullaakkumut annaassiniarnermik oqartussaasut ´Arctic Victory´, Svalbardimit Island aqqusaarlugu Ittoqqortoormiinukartoq, attaveqarfigisinnaasimanngilaat. Silarlunnera pissutigalugu greenpos-imik nalunaaruteqartarsimanngilaq, tassa taanna Issittumi Sakkutooqarfimmut akunnerit arfinilikkaarlugit nalunaarutigineqartartussaammat, sakkutooqarfiup umiarsuit anginerusut sumiinnerat tamatigut ilisimasassammagu.
´Arctic Victory´mi ilaasut 150-inngoqqipput.
MALUGIUK - MANNA SUNGIUSARNERUVOQ: Allaaserisaq una sungisarnermik takorluukkersaarneruvoq, sapaatip akunnera una nunat tamalaat ujaasinermik annaassiniarnermillu sungiusarnerattut ´Sarex Greenland Sea 2013´, Tunup avannaani Nunami Allanngutsaaliukkami Kong Oscar Fjordimi pisimasuutinneqartoq. Umiarsuarnik takornariartaatinik ilaasunilluunniit ajornartorsiortoqanngilaq.
Sarex 2013-imit allaaserisat tamaasa atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER