Skip to main content

Sarex-imik sungiusarneq: ´Arctic Victory´-p ilaasut 12-t maqaasivai

Tunup avannaani umiarsuup takornariartaatip maqaasineqartup marlunngormat ullaakkut nalunaarutigaa Mestersvig-ip avataaniilluni

Sarex-imik sungiusarneq:
Marlunngormat ullaakkut kitaata nalunaaqutaa malillugu nal. 05.00 annaassiniarnermik oqartussaasut umiarsuaq takornariartaat ´Arctic Victogy´, ataasinngormalli radio-kut attaveerussimasoq, kiisami attaveqarfigaa.
Tunup avannaani silarlunnera pissutigalugu umiarsuup ilaasumi ilaat 12-it tammaavai, aammalu annanniut angallat annaasimallugu. Umiasuup nalunaarutigaa Nunami Allanngutsaaliukkami Kong Oscar Fjordimi Mestersvigip avataaniilluni.
Ajornartorsiorneq pissutigalugu annaassiniarnermik oqartussaasut - Issittumi Sakkutooqarfik, Kalalalit Nunaanni Politiit aamma Angallannermut Aqutsisoqarfik - annaassiniartunik Mestersvigimukartitsivoq immikkoortunillu allanik piareersimatitsilluni.
Atuaruk "Sarex-imik sungiusarneq: ´Arctic Victory´ ´tammarpoq´
Atuaruk: "Sarex-imik sungiusarneq: ´Umiarsuaq takornariartaat ´tammarpoq´
Sermitsiaq.AG-p paasisai malillugit umiarsuarmut takornariartaammut ajornartorsiortumut aallartinneqarput islandimiut sinerissami alapernaarsuisuat ´Tyr´ qallunaallu timmisartuat alapernaarsuisut CL-604 Challenger, umiarsuaq alapernaarsuut ´Hvidbjørnen´ kiisalu umiarsuaaraq alapernaarsuut ´Knud Rasmussen´. Qujanartumik umiarsuit tamaani inuilaameereersimapput, ataasinngormalli Tunup avannaanukartinneqarsimagamik, pissutigalugu Issittumi Sakkutooqarfik ilimasaarisimammat tamaani annaassiniartoqarsinnaasoq.
´Arctic Victory´ Svalbardimit Ittoqqortoormiit aqqusaarlugit Islandimukarsimasoq, ataasinngormat kitaani nalunaaqutaq malillugu 12.00 piffissa eqqorlugu Issittumi Sakkutooqarfimmut nalunaarummik greenpos-imik nalunaaruteqarsimanngilaq, sakkutooqarfiup ilisimajuaannartussaammagu taanna umiarsuillu anginerusut allat sumiinnersut. ´Arctic Victory´-p ilaasuminit 150-it missaanniittunit 12-it maqaasivai.
MALUGIUK - UNA SUNGIUSARNERUVOQ: Allaatigisaq manna sungiusarnermik takorluuineruvoq, taannalu sapaatip akunnerani uani Tunup Avannaani Nunami Allanngutsaaliukkami nunat tamalaat ujaasibnermi annaassiniarnermillu sungiusarneraat taaneqartoq ´Sarex Greenland Sea 2013´. Ilaasut umiarsuarli takornariartaat maqaasineqarnerat ajornartorsiuteqarnerallu takorluugaannaapput.
Sarex 2013-imit allaatigisat tamaasa atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER