Skip to main content

Sara Olsvig: Ineqarnermut tapiissutip allanngortinneqarnerani innuttaasut atugarliortut ikiorserneqassapput

Inatsit allanngortinneqanngikkallarmat ineqarnermut tapiissutit pillugit malittarisassani atuuttuni aalajangersarneqarpoq inissiami attartortittakkami init najugarineqartut najugaqartunut naleqqiullugu amerlanerpaamik ataaseq sinnerlugu aatsaat amerlaneruppata ilaqutariit ineqarnermut tapiissutinik tunineqarsinnaasut.

Ineqarnermullu tapiissut allanngortinneqarnissaanut inatsisissatut siunnersuut Inatsisartut Ukiaanerani Ataasimiinnerini  akuerineqarpoq.

Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq Sara Olsvig (IA) tusagassiuutinut nalunaarutigaa, allanngortiterinermi innuttaasut atugarliortut ikiorserneqassasut.

- Ineqarnermut tapiissutinut maleruagassat allanngortinnerisa kinguneraat ineqarnermut tapiissutinik pisartut inuttut sakkortuumik aqqusaagaqarsimasut imaluunniit najugaqatiminnik toqukkut qimanneqarsimasut qaammatit 24-t tikillugit ineqarnermut tapiissutisiaqarsinnaatitaanissaat. Taamaaliornikkut ilaqutariit inissiamut allamut minnerusumut ineqarnermut tapiissutinik ataavartumik pisinnaatitaaffiusumi nassaarnissaminnut periarfissinneqassapput, taanna erseqqissaavoq.

Inatsit allanngortinneqanngikkallarmat ineqarnermut tapiissutit pillugit malittarisassani atuuttuni aalajangersarneqarpoq inissiami attartortittakkami init najugarineqartut najugaqartunut naleqqiullugu amerlanerpaamik ataaseq sinnerlugu aatsaat amerlaneruppata ilaqutariit ineqarnermut tapiissutinik tunineqarsinnaasut. Taamaammat inoqutigiit amerlassusaat allanngoraangata ineqarnermut tapiissut allanngortarpoq. Assersuutigalugu toqusoqarsimatillugu ineqarnermut tapiissuteqarsinnaaneq annaaneqarsinnaavoq.

- Ajoraluartumik takussaavallaarpoq ilaqutariit sakkortuumik aqqusaagaqaraangamik, assersuutigalugu aapparisaq toqukkut qimagussimagaangat imaluunniit utoqqaat illuannut nuuttariaqalersimappat, ilaqutariit inuuniarnermi ajorluinnartumik inissittartut angerlarsimaffeerullutik amerlasuunillu akiitsoqalerlutik, qaavatigullu toqusoorsimanertik aliasuutigalugu, Sara Olsvig oqarpoq.

Maleruaqqusat nutaat 1. januar 2018-miit atuutilissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER