IA siulittaasunngortoq
Sara Olsvig IA-mi siulittaasunngorpoq
Inuit Ataqatigiit ataatsimeersuarneranni Kuupik Kleistip siulittaasutut paarlatsissaannik taasipput
Sara Olsvig.
Inuit Ataqatigiinni siulittaasunngortoq taama ateqarpoq.
Inuit Ataqatigiit ataatsimeersuarnerani Nuummi illorsuarmi timersortarfimmi ingerlanneqartumi ingerlanneqartumi siulittaasumik toqqaasoqarpoq. Toqqaaneq naligiiffiusupilussuuvoq.
Sara Olsvig partiimi siulittaasunngorpoq, partiimi siulittaasuugallarsimasoq, Aqqaluaq B. Egedemit amerlanerusunik taaneqarluni. Kuupik Kleist marsip 31-ani siulittaasutut tunuarpoq.
Taasinermi Sara Olsvig 37-nit taaneqarpoq, Aqqaluaq B. Egede 35-nit taaneqartoq.
Inuit Ataqatigiinni siuliaasussamik qinersinermi atugarissaarnerup, aalisarnerup, aatsitassaqarnermut kiisalu nunaqarfinnut politikip pitsanngorsarnissaa Sara Olsvigip pingaartitarai, nalunaaqutarlu 15.13-ip missaani nalunaarutigineqarpoq.
35-nik ukiulik Sara Olsvig Foleketingimi ilaasortaajunnaassaaq Inuit Ataqatigiinni siulittaasuunini Inatsisartunilu siulittaasuunini aallunnerujumallugu. 2013-mi siullermeerluni Inatsisartuni iserpoq, 1.030-nit taaneqarluni.
Sara Olsvig septembarip 26-ani 1978-imi Nuummi inuuvoq, ataataralugu Lars Olsvig anaanaralugulu katersugaasivimmi pisortaq Anne Mette Olsvig. Pania Navaranamik ateqarpoq.
Sara Olsvigimit, Aqqaluaq B. Egedemit Kuupik Kleistimiillu Sermitsiaq.AG oqaaseqartitsissaaq, ataatsimeersuarnermilu aamma assinik saqqummiussissalluni. Nalunaaqutaq 17.00 tusagassiutinik katersortitsisoqassaaq