Skip to main content

Saqqaq: Ujaasineq suli ingerlanneqarpoq

Politiit Finn Looqi Lange kingullermik marlunngornermi unnukkut takuneqartoq suli ujaaraat.

Issittumi Sakkutooqarfimmit Finn Looqi Lange kingullermik Saqqap talittarfiani marlunngornermi unnukkut qulit missaani takuneqartoq ullumi tallimanngornermi suli ujaarineqarpoq.

Umiarsuaq alapernaarsuut Knud Rasmussen qulimiguulillu S-61 atorlugit ujaasisoqarpoq, maannamulli iluatsitsiffiunngitsumik, Kalaallit Nunaanni Politiit pigaartuisa pisortaat Brian Thomsen tallimanngornermi ullup-qeqqata siorna Sermitsiaq.AG-mut ilisimatitsivoq.

Politiit ippassaq ualikkut ujaasititsilerput, maannamulli angut tammaaneqartoq pillugu nutaanik nutaarsiassaateqartoqanngilaq:

- Sumiissinnaanera pillugu ajoraluartumik ilisimatinneqarsimanngilagut, Brian Thomsen oqarpoq.

Umitsiaaqqamik aallarsimassangatinneqartoq

Pigaartut pisortaata erseqqissaatigaa, sapaatip akunnerani matumani marlunngornerup unnukkuata kingorna inuit Finn Looqi Langemik takunnissimasinnaasut imaluunniit sumiinneranik ilisimannissinnaasut tusarfigineqarnissaat politiinit soqutigineqarluartoq.

Politiit tammaaneqartoq nunaqarfimmit Saqqamit aallarsimassagatippaat, tassa Saqqaq Ilulissat avannaata tungaani 100 kilometerit missaannik ungasissuseqartoq qimallugu aallarsimassagatinneqarpoq, kingornalu takoqqinneqarsimanani.

Tammaaneqartoq pillugu paasissutissaateqaraanni politiit pigaartuinut oqarasuaat 701448 aqqutigalugu sianertoqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER