Avannaa

Saqqap eqqaani tuttorpassuit piniartunut iluaqutaassapput

Tuttut amerlaqisut nunap timaaniit Saqqamut qanittumut illuarput – immikkut pisassiisoqarnikkut piniartut aningaasaqarnerat iluaquserneqarpoq

Assi toqqorsivimmit

Ukiorisseruttortoq Saqqap eqqaani tuttorpassuit nunaqarfimmut sinerissamullu qanittumut pisut innuttaasunit biologinillu tupaallaatigineqarput.

Nuussuarmi aamma Saqqap eqqaani ukiut kingulliit ingerlanerini tuttut amerligaluittuinarlutillu nujuilligaluttuinarput, allaat nunaqarfimmi illuniit ersiinnartumi tuttorpassuit takussaallutik.

Uno Jensenip, Saqqami aalisartup aamma piniartup Qaasuitsup Kommuniani piniarnermut nakkutilliisut tuttunik takuniaasut februaarimi qamuteralannik ingerlappai. Saqqamiit timmut 22 kilometerit missaannik ingerlareerlutik tuttut isaannarmik takuneqarsinnaasut 1.200-it missaanniittut kisinneqarput.

Saqqap timaani tuttut siammarsimasut nerisassaqarluarput pualallutillu. Kisiannili tuttut tiffasinnerat aamma qaqqaniinnerat pissutaalluni piniarniarnerat pisariusinnaasarpoq.

Ukioq piffissami 10. februarimiit 10. marts tikillugu Piniarnermut Aalisarnermut Nunalerinermullu Naalakkersuisoqarfimmiit Saqqap eqqaani tuttut piniarneqarsinnaanerat ammaanneqarpoq.

Allaaserineqartoq tamaat aviisimi Tamanut Avannaanimi atuarneqarsinnaavoq. Qaasuitsup Kommuniani pisut allat aviisimi aamma atuarneqarsinnaapput. Aviisi akeqanngitsumik ataani aajuk:

Powered by Labrador CMS