Sapiitsuliortut arnap inuuneranik annaassisimanertik pillugu nersornaaserneqartut
Paamiuni innuttaasut marluk tallimanngornermi periataallaqqinnerminnut, arnap ilisimajunnaaqqasup illumit ikuallattumit annaanneqarneranik kinguneqartumut, politiinit nersornaaserneqarput.
Hugo Geisler Svenssonip aamma Hans Ole Dahlip aalajangeriataallaqqinnerminnut sapiitsuliorsimanerminnnullu Paamiuni politeeqarfimmi ippassaq persuarsiorpalaartumik aaqqissuussinermi nersornaaserneqarput. Taakkua ilaquttatik najuuttoralugit akissarsitinneqarlutillu diplominnatsinneqarput.
Septembarip 1-ani 2020-mi Jakob Berthelsenip Aqquserngani illu ikuallalerpoq, arnarlu ilisimajunnaaqqasoq illup iluaniilluni.
Hugo Geislerip aamma Hans Ole Dahlip ajoqusersinnaanertik eqqarsaatiginagu nangaajallanngivillutillu arnaq ikuallattumit annaappaat.
Arnaq napparsimmavimmi putsumik toqunartunissimanerminut passunneqarpoq.
- Innuttaaqataasumik pisariaqartitsilluinnartumik ikiuisimanerat pillugu qutsavigineqarujussuassapput. Marluullutik iliuuserisartik pillugu politiinit pissusissamisoorluinnartumik akissarsitinneqarput, politimester Bjørn Tegner Bay Kalaallit Nunaanni Politiit sinnerlugit oqarpoq.