Sapiitsuliortoq: Arnap ikinngummi inuunera annaakkaa
Signe Ravn Højgaardip sapiissuseqarnermik takutitsinini pillugu nersornaat pingasunngormat tiguaa
Siorna apriliugaa Signe Ravn Højgaard, Kasper Skare ikinngutitillu Kangerlussuatsiap qinnguatungaani sisorariartillutik Kasper sermip quppaatigut meterinik 16-inik nakkarpoq annertuumillu aqqunartiterluni.
- Signe Ravn Højgaard sapiissuseqarsimanngippat piumassuseqqortusimanngippallu ikinngutaa, Kasper Skare, ullumikkut uumasimanaviarunanngikkaluarpoq, politiit Facebookikkut allapput.
Sapiissuseqarnermik takutitsisoq
- Signe nangaariarani sermip quppaanut aqqarpoq ikinngunni aqqunarsimalluni nalasoq ikioriartorniarlugu. Signe ikinngutaasa ikiorlugu allunaasalersorlugu quppamut aqqartippaat ilungersunartumillu suliaqareernerup kingorna, Kasper Signep timaanut najummatseqqasoq, ikioqatigiinnikkut Kasper quppamiit qaqippaat, kingorna qulimiguulimmik napparsimmaviliaanneqartoq, ilisimatitsissutigineqarpoq.
Signe Ravn Højgaardip pisumi sapiissuseqarnermik takutitsinera pillugu nersornaat pissarsiaraa ippassaq pingasunngornermi.
Politiit Facebookikkut saqqummiussaat takuuk: