Sapigaqartut ikittuinnaat coronamut akiuussutissaq qisuariarfigisimagaat
Danmarkimi misissuisimanerup nutaap takutippaa, sapigaqartunik coronamut akiuussutissaliisarneq ajunngitsumik kinguneqartarsimasoq.
Nakorsat naatsorsuutigisimasaannut - sanilliullugu - innuttaasut astmaqartut imaluunniit pollenimik sapigaqartut Danmarkimi coronamut akiuussutissalersuinermut atatillugu qaqutiguinnaq ajortittartut.
Odense Universitetshospitalimi misissuisimanerup nutaap tamanna takutikkaa, DR allappoq.
Coronamut akiuussutissalersuinermut atatillugu sapigaqartutut qisuariartoqartarnera pillugu Europami misissuinerit tamanna siullersaraat.
200.000-ingajalluinnaat misissuiffineqarsimasut
Danmarkimi innuttaasut 199.377-it Pfizerimik, AstraZenecamik Modernamilluunniit akiuussutissalertissimasut ilisimatusartunit misissuiffigineqarsimapput.
Taakkunannga inuit 61-it sapigaqartutut qisuariaateqarsimasut napparsimmavimmut innersuunneqarsimapput. Innersuunneqarsimasut akornanni pingasut sakkortuumik qisuariaateqarsimasut naammassillugu akiuussutissalerneqarsinnaasimanngillat, katsorsarneqarsimagaluarlutik.
- Danmarkimi akiuussutissalersuinermi tamanna nutaarsiassatsialaavoq. Isumatsinnut aamma Peqqissutsimut Aqutsisoqarfiup isumaanut akerliusumik, coronamut akiuussutissalertissimallutik sapigaqartutut qisuariarsimasut ikittuararsuupput, Carsten Bindslev Jensen Odense Universitetshospitalimi professoriusoq DR-mut oqarpoq.