Skip to main content

Sapaatip akunnerata naanerani imeq kajorluinnartartoq

Nuummi naluttarfik Malik naluttarfini sapaatit akunnerisa naanerisa tamangajaasa matusariaqartarpai, naluttarfik anartaqarlunilu meriaaqartarmat salittariaqartarlunilu.

Pinnguarneq nuannerluinnaraangat, anartarfiliartariaqaraluarluniluunniit, pinnguarneq unitsikkuminaassinnaasarpoq. Tamanna Nuummi naluttarfiup Maliup ilisarilluinnarsinnaavaa. Akuttunngitsumik naluttarfik matusariaqartarpaat, imeq naluffiusoq ananik meriaanillu mingutsinneqartarnera pissutigalugu.

- Sapaatip akunnerata naanerini tamatigungajak tamanna nalaattarparput, taamatullu pisoqaraangat sivikinnerpaamik ulloq ataaseq matusisariaqartarneq akulikippoq, naluttarfik Malimmi aqutsisoq, Bruno Heilmann, Kommuneqarfik Sermersuup nittartagaanut taama oqarpoq.

Suliarujussuaq

Meeqqat naluttarfianni taama pisoqakkajuppoq, imerlu mingutsinneqarsimasoq meeqqanit mikisunit imerneqartuussappat tamanna ulorianarluinnarpoq. Ajutoortoqartillugulu aaqqiiniarneq suliarujussuusarpoq.

- Taamatullu pisoqaraangat annertoorujussuarmik suliakkersuutaasarpoq. Naluttarfimmillu saliinerup nalaani nalukkiaraluartut naluttarfimmik atuisinnaannginnerat assut uggornartuuvoq. Taamatut ajutoorneq pigaangat teknikerip naluttarfik annertuumik klorimik akusarpaa, kingornalu imeq salillugu​​​​​​​, Bruno Heilmann oqarpoq.

Ajutoortoqannginnissaa anguniarlugu naluttarfiup pisiniarfeeraani nanginik nalunnermi atugassanik pisisoqarsinnaavoq, pisinermi ataaseq akeqanngitsumik pineqartarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER