Sanigorsaat Wegovy Kalaallit Nunaanni atorneqartorsuunngitsoq
Sanigorsaatip akisuup oqaluuserineqaqisullu Wegovyp atorneqarnera killilersugaasupilussuuvoq taamaallaallu pualasuupilussuarnut ilungersunartumillu nappaateqartunut atorneqartarluni.
Inuppassuit sanigornissartik takorloortarpaat. Ulluinnarni TV-mi inuillu attaveqaqatigiittarfiit aqqutigalugit ussassaarutini inunnik pinnersunik, inuusuttunik saluttunillu saqqummiussivigineqartuarluta. Taamaaqataanik sanigorsaatit siunnersuutillu imaaginnavittarput, ilisimatuussutsikkummi isumaqatigiissutaammat oqimaappallaarneq peqqinnanngitsoq.
Aviisi Sermitsiaq taama allappoq.
Taamaattumik inuppassuit takorloortarpaat imaaliallaannaq oqilinissaminnut iisartagaqalernissaa – ileqqut imatorsuaq allanngortinngikkaluarlugit.
Tupinnartuliamik iisartagaqanngilaq – taamaattorli. Ukiuni kingullerni pualavallaarnermut nakorsaat Wegovy oqaluuserineqartupilussuaq ingammik inuit attaveqaqatigiittarfiini aaqqiipallannissamut oqaluuserineqartarpoq.
– Taamali ajornaatsiginngilaq, Nuummi Inuunerissaavimmi Stenomi nakorsaaneq Michael Lynge Pedersen oqaluttuarpoq.
Isumatusaartumik atorneqartariaqartoq
- Nakorsaatit isumatusaartumik atorneqassapput, ilumullu pisariaqartivissoraanni. Aammami taamaattoqarsinnaanngilaq oqimaappallaalaaginnaraanni allatullu isikkoqarnissaq kissaatigalugu.
- Kalaallit Nunaanni Wegovyp nakorsaatitut atornissaa killilersimaartupilussuuarput. Taamaallaat pualasuupilussuarnut nakorsaatigitittarparput, taakku BMI-at 40 sinnersimappagu, nappaataallu taamaallaat pualavallaarnerannik aallaaveqarluni. Tamatuma saniatigut aalajangersimavarput taamaallaat Inuunerissaavimmi Stenomi nakorsat Wegovy atugassanngortissinnaagaat – taamaallaallu napparsimasumik misissuilluaqqaarluni oqaloqateqareernikkut. Taamaalilluni nakorsaat doktor.gl-imi qinnutigiinnarneqarsinnaanngilaq.
Aviisimi Sermitsiami atuarnerusinnaavutit. Aviisi uani pissarsiariuk:
