Skip to main content

Sanasut biili qimaannartariaqarsimagaat

Sanasut pingasut suliffigisamik biiliat Nuummi pizzatortarfiup eqqaanut sisamanngormat unnukkut qimaannartariaqarsimavaat, imigassartorsimalluni biilersimasutut nalunaaruteqartoqareersoq.

Politiit sisamangormat unnukkut nalunaarfigineqarsimapput, inuit aalakuunnguatsiartut biilerlutik Nuummi pizzatorfimmut Iggumukarsimasut.

Politiit biilertut angumerinngittoorsimavaat, biilialli pizzatortarfiup eqqaaniittoq nassaarisimallukku. Kalaallit Nunaanni Politiit pigaartuisa pisortaat Julie Senderovitz Bendtsen Sermitsiaq.AG-mut ilisimatitsivoq.

Pigaartut pisortaata oqaluttuaraa, inuit sisamat suliffiup biilianik ingerlasimsut politiinit pissarsiarineqarsimasut. Pineqartut tassaapput sanasut pingasut ilaasimasorlu ataaseq sanasutut atisalersimanngitsoq.

Politiit naapertorlugit, taakku tamarmik aalakoorsimapput, kisianni arlaannaalluunniit pizzatortarfimmukarnerminni biilinik ingerlatsisimasutut nassueruteqarusussimanngillat.

Matuersaatit arsaarinnissutigineqartut

- Taamaammat biilit inummit aalakuunngitsumit aamma atorsinnaasumik biilernissamut allagartalimmit aaneqarnissaasa tungaannut biilinut matuersaatit arsaarinnissutigineqarsimapput, Julie Senderovitz Bendtsen oqarpoq.

Sermitsiaq.AG-mit inuit pisumik takunnissimasut oqaloqatigineqarsimapput, oqaloqatigineqartut sanasut pingasut suliffeqarfiup ilisarnaataanik atortulinnik sulliseqarlutik pizzatortarfimmut takkummata neriniartarfimmiissimapput. Taakku oqaluttuaraat, sanasut takuneqarsinnaasumik aalakoortut aamma suli sulliseqartut suliffeqarfiup ilisarnaataanik atortulinnik.

Sanasut suliffeqarfianni pisortap Sermitsiaq.AG-mut oqaatigaa pisimasoq assut ilungersunartoq, suliffeqarfillu susoqarsimaneranik paasiniaaleruttortoq kiisalu sulisut pineqartut pillugit kinguneqartitsisoqassanersoq nalilersorneqartoq.

Pisortaq naapertorlugu, sulisut pineqartut piffissami aalajangersimasumi suliffeqarfimmi ikiortiginiarlugit attartorneqarsimasut. Taassuma erseqqissaatigaa, sulisut unnukkut biilimik atuisarnissaannut suliffeqarfiup malittarisassaanut akerliusumik pisoqarsimasoq.

Politiit: Aalakoorluni biilertoqarnersoq ulloq unnuarlu misissuisarpugut

Pisortap tamatuma saniatigut oqaatigaa, sulisut sunngiffimminni sulerisarnersut pillugu suliffeqarfimmit nakkutigiuminaattoq.

Juulip qaammataani sanasut suliffeqarfianni allami sulisumik aalakoortumik - aamma biilersinnaanermut allagartaqanngitsumik suliffeqarfiup biilianik ataasinngornikkut unnukkut ingerlaarsimasumik ajornartorsiuteqartoqarsimavoq, politiillu taamatut misigisaqartarnerat nalinginnaasuusoq, pigaartut pisortaata ilisimatitsissutigaa.

- Inuit sulereernermi kingorna imerpallaarsimagaluarlutik biilinik ingerlatsisarnerat ajornartorsiutaasarpoq, Julie Senderovitz Bendtsen oqarpoq, innuttaasunullu kaammattuutigalugu.

- Suleqatigit sulereernermi immiaarartoqatigisimagussigit taxat atortarsigit. Imigassartorsimallutimmi biilertoqarnersoq nakkutiginnittarpugut.

- Ajornartorsiut sanasuniiginnanngilaq, aammali suliffeqarfinni allani tamanna atuuppoq. Taamaallaat tallimanngornerup arfininngornerullu unnuaanni imigassartorsimalluni biilertoqarnersoq misissuineq ajorpugut. sapaatillu akunnerisa ulluini tamani ulloq unnuarlu misissuisarpugut, Julie Senderovitz Bendtsen oqarpoq.

NK-mi saqqummersitsineq: aanaap illua pillugu eqqaamasat
Arnajaraq Støvlbæk aanaap illua pillugu eqqaamasat tunngavigalugit Nuummi Eqqumiitsulianik Saqqummersitsivimmi saqqummersitsissaaq. Saqqummersitsineq sisamanngornermi januaarip 21-ani nal. 17...
Missingersuutit pillugit inatsit nutaaq: Sermersuumi siuariartorneq unitsinniarneqarpoq
Naalakkersuisunit inatsisissatut siunnersuut nutaaq kommunit siuariartornissaannut akornusiissaaq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER