Sanaartukkanik nutarterineq piujuartitsinermik annerpaamik kinguneqartarpoq
Kalaallit Nunaanni sanaartukkani assigiinngitsuni sisamani piusimanernik naliliinerni betonginik sanaartukkanik pioreersunik nutarterineq annerusumik piujuartitsinermik ilippanaateqartoq ersersitsivoq.
Kalaallit Nunaanni betonginik sanaartukkanik pioreersunik nutarterineq iluarsiissutaavoq piujuartitsinerpaasoq, taama Kalaallit Nunaanni sanaartukkani assigiinngitsuni sisamani piusimanernik naliliinerit (Life cycle assessment, LCA) ersersitsipput, taakku atuagassiami Building and Environmentimi tamanut saqqummersinneqarsimapput.
Aviisi Sermitsiaq allappoq.
Misissuinermi uppernarsarneqarpoq, nutarterineq, sanaartukkat najummisuinik atueqqiffiusut, nutaanik sanaartornermit piujuartitsinerusut, sanaartugaq suugaluarpalluunniit. Ilisimatuut nutarterineq sanaartukkanut nutaanut assigiinngitsunut pingasunut naleqqiussimavaat: betongimik aamma uumassuseqanngitsunit sanaartornermi atortussanik sanaartugaq, betongi qisullu akuleriisillugit sanaartugaq, aamma qisunnik nipitikkanit CLT sanaartugaq.
Nutarterineq piusimanernik naliliinerni (Life cycle assessment, LCA) uuttuutini/aalajangiinermi tunngavinni avatangiisinut tunngasuni tamani pitsaanerpaamik angusaqarsimavoq, tassani ilisimatuut ilaatigut soorlu CO2-mik aniatitsineq, nukissamik atuineq, sanaartornermi atortussanik assartuineq, avatangiisinut akornusiinermut sunniutit aamma nutarterneqarsinnaassutsit - atortussat isumalluutinik pinngortitamit pilersinneqartunit taarserneqarsinnaanersut qimerloorsimavaat.
Sanaartornermi atortussanik atueqqinneq
Kalaallit Nunaanni sumiiffimmi sanaartornermi atortussat eqqussorneqartunit salliutillugit atorneqarnerulernissaat annertuumik kissaatigineqarpoq. Kalaallit Nunaanni taamaattoq atortussatut isumalluutit, sanaartornermut naleqquttut amerlanngitsut pissarsiassaapput.
Allaaserisaq tamaat uani Sermitsiami pisiarisinnaasanni atuaruk: