Kommuneqafik Sermersooq
Sanaartugassanik titartaasartoq tusaamasaq akiligassamik nassitsivoq
Kommuneqarfik Sermersuup pilersaarutitut saqqummiussamini, Nunatta arsaattarfissuassaatut pilersaarut suliffeqarfimmit sanaartugassanik titartaasartumit, BIG-imit, titartarneqartussatut saqqummiuppaa! Sanaartugassanilli titartaasartumik nunarsuarmi piumaneqarnerpaamik suliakkiiniarneq qanoq akeqassava?
Suliffeqarfik sanaartugassanik titartaasarfik, Bjarke Ingels Group, BIG, 2016-imi akiligassamik Kommuneqarfik Sermersuumut 380.000 koruunit missaannik aamerlassusilinnik nassitsivoq.
Aamma atuaruk: Titartaasartup tusaamasap issittumi arsaattarfissuaq titartarpaa
AG-ip allagaatinik takunnissinnaatitaaneq atorlugu kommunimut piumasaqarnermigut tamanna paasivaa.
Aningaasartuutit misissueqqaarnermut aamma – takujuminaqisunik – ilaatigut Nunatta Nuummi arsaattarfissuassaanut atorneqarsimasut saqqummiunneqarpoq.
Misissueqqaarnerit
Akiligassiissutigineqartunut ilanngunneqarlutik Bjarke Ingelsip suleqataasalu marluk angalanerat, ilaatigut qallunaap sanaartugassanik titartaasartup nersornaatisisimasup, David Zahlep illoqarfimmut angalaqataanera pineqarlutik. Aningaasat amerlanersaat pilersaarummut misissueqqaarnernut atorneqarput. Tamatumunngami akiligassiissutigineqartut millionit koruunit sisamararterutigaat.
Aamma atuaruk: Eqqumiitsulianik Saqqummersitsivimmik takorluugaqarneq ingerlariaqqittoq
Nunatta arsaattarfissuassaa pilersaarutip nutaap kulturikkut qitiusumik ingerlatsivissap ilagaa, taannalu naluttarfiup Maliup eqqaaniissalluni. Eqqakkanik ikuallaasarfiup akiatungingajaani. Arsaattarfissuassap qulisap saniatigut Nunatta eqqumiitsulianik saqqummersitsivissaatut qangalili pilersaarut ilaavoq, suliassaq Bjarke Ingelsip suliffeqarfiutaata aamma siuttuuffigisassaa, tassami BIG-ip 2011-mili sanaartugassanik titartaasartut unammisinneqarneranni ajugaassutigereermagu.
Aningaasaliissutissat amigaataasut
Taakkununnga marlunnut aningaasaliissutissat amigaataapput.
Allaaserisaq tamaat aviisimi AG-mi atuaruk, taanna uani ataaniittoq linki aqqutigalugu pisiarisinnaavat.