Sanaartugassanik suliassinneqartartoq suliffissualiortoq: Sanaartugassanut angisuunut ikkussugassanik pilersuerusuppoq
MT Højgaard Nuummi Qinngutsinni ikkussugassanik suliffissualiorpoq qulillu missaannik sulisoqarluni. Suliffissuassaq sapaatip-akunnerani siusinnerusukkut nappaanersiorneqarpoq, ukiullu nutaap aallartinnerani tunisassiulissalluni.
Nuummi inissiat nutaat, ilinniartunut inissiat, paaqqinnittarfiit atuarfillu angisooq pisariaqartinneqartorujussuupput. Danmarkimi sanaartugassanik suliakkerneqartartut annerpaat ilaata, MT Højgaardip ukiup nutaap aallartinnerani tunisassiorfik 15 aamma 20 millionit koruuninik akeqartussaq Nuummi piariissavaa, taamaalilluni sanaartugassat angisuut sukkanerusumik neriunartumillu akikinnerusut sanaartorsinnaalissavai.
Aviisi Sermitsiaq taama allaaserisaqarpoq.
Suliffeqarfissuup Qinngutsinni betonnginik ikkussugassanik suliffissuassaa nutaaq marlunngormat nappaanersiorneqarpoq. Suliffeqarfissuup sulisui illup iluani panertumi isumannaatsumilu betonnginik ikkussugassanik sanariikkanik suliaqartassapput. Ikkussoriaannanngorlugit sanaartorneqartut Qinngutsinni suliffissuarmit sanaartorfinnut assartorneqartassapput tamaanilu katiterneqartassallutik. Nuummi sanaartornermi atorneqarnerpaasumut, tassa sanaartorfinni kuioraalluni betonngiliornermut sanilliullugu, tamanna amerlasuutigut pitsaaquteqassasoq, MT Højgaard isumaqarpoq.
Allaaserisaq tamaat Sermitsiami atuaruk – uani ataani aviisimut isissutissarsigit: