Skip to main content

Sanaartugassanik suliallit isornartorsiut ilisarinngilaat

Qallunaat sanasut nunasiaateqartutut pissusilertarneragaaneranut isornartorsiorneq Aasianni sanaartugassannik suliaqartut, KJ Greenlandip ilisarisinnaanngilaa.

- Saqqummiunneqartut ilisarisinnaanngilluinnarpakka. 

Taama Aasianni KJ Greenlandimi pisortaq, Jens Jensen oqarpoq. Taassuma qallunaat sanasut nunasiaateqartutut pissusilersortarnerat iliuuserisamillu kinguneri akisussaaffiginnguarnagit aallaqqittarneri pillugit isornartorsiusoqareersorlu ilisarinnissinnaanersoq aperineqarami taama akivoq. Taanna oqaluttuarpoq sanasut taamaaliortut ingerlaannaq suliffeqarfimmiit soraarsinneqartartut. 

Aasianni ilinniarnertuunngorniarfimmi ilinniartitsisoq, Mie Laugesen nutaarsiassaqartitsivimmi Information.dk-mi kronikkimini ilaatigut sanasuniit iluanaarutissat annerpaattut isigineqartartut kalaallit arnartaat. Illersuuteqaratik atoqateqartartut, kinguaassiuutitigut nappaatipalaanik siammartereqataasartut, naartulersitsisartut, immiaaqqanik pillertartut soqutiginnissuseqarluarlutillu, kingornali aallaannapajuttartut allaaseraa.

- Ileqqut taamaattut uanga ilisarisinnaanngilluinnarpakka. Sulisunut tikisinneqartunut piffissaq annertoorujussuaq atortarparput. Tikikkaangata ilinniartittarpagut suut maani ileqqorissaarnermik takutitsinerusut suullu akuersaarneqarsinnaanngitsut, KJ Greenlandimi pisortaq, Jens Jensen Sermitsiaq.AG-mut oqarpoq. 

- Pisut taamaattut naammattooraangatsigit paasigaangatsigillu sulisorlu najugaqartunut ataqqinninngippat ingerlaannaq suliffeqarfimmiit anisinneqassaaq. Taamaattunik sulisoqassanngilagut, Jens Jensen oqaluttuarpoq. 

Pisoq ataaseq assersuutigineqartoq

Jens Jensenip pisumik ataatsimik peqqammersumik assersuutissaqarpoq. Suliffiup saniatigut diskotek-imi sulilluni aallartissimavoq. Tamannalu KJ Greenlandip akuersaarsinnaanngimmagu sulisoq soraarsinneqarpoq maannalu angerlartinneqareerluni. 

- Danmarkimi sulisunik paarlakaatitsisarfimmiit sanasoq tikisinneqarpoq. Suliffimmillu paarsisinnaanngitsutut nalileratsigu nalorninngilluinnarluta soraarsipparput. Pissusipalaamik pissusilersorneq akuersaarneqarsinnaanngillat, Jens Jensen nassuiaavoq. 

Sulisullu sooq suliffimmik paarsisinnaanngitsutut nalilerneqarnera oqaluttuami erseqqissumik nassuiarneqanngilaq. 

Aasianni KJ Greenlandimi sulisuni 70-iusuni arfineq-marluk Aasianni tikisinneqarlutik sulipput. Jens Jensenillu Sermitsiaq.AG-imut erseqqissaatigaa sulisut inuiaqatigiit maleruaqqusaat ataqqigaat tikisinneqartullu amerlanerpaat aappaqartut erseqqissaatigalugu.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER