SIUARIARTORNEQ
Sanaartortut: Suliffeqarfiit nunaqavissunit pigineqartut suliassanik annertuunik pissarsisinnaanngingajattut
GNC-ip pisortaata Niels Meinelip suliffeqarfiit nunaqavissunit pigineqartut sanaartukkanut annernut neqeroorsinnaanermut periarfissarissaarnerulernissaannut sinaakkusiisoqarnissaa ujartorpaa
Sulisitsisut Peqatigiiffiata (GE) namminersorlutik oqartussat kommunilluunniit sanaartugassanik annertuunik suliariumannittussarsiuussitillugit, suliffeqarfiit nunaqavissunit pigineqartut suliluunniit neqerooruteqarnatik ajorsareertarnerat pinngitsoortinniarlugu, piviusumut attuumanerusunik malittarisassiortariaqarnera qularnaarniartariaqarpaa.
Taama Nuummi suliffeqarfiup sanaartornermik ingerlataqartup GNC-ip pisortaa Niels Meinel, sulisitsisut peqatigiiffiannut aallartitat arfininngornermi ataatsimiinneranni oqariartuuteqarpoq.
Tassungalu atatillugu Nuummi nutaamik containerersorluni umiarsualivissamik sananissaq tikkuarpaa.
Per Aarsleff Grønlandip suliassaq pissarsiaraa, suliffeqarfiillu allat marluk, ataaseq nunatsinneersoq allalu nunanit allaneersoq, sanaartugassamut tassunga aamma neqerooruteqarput.
- Qularnaveeqqusiinissamut suliffeqarfiullu nammineq aningaasaatigisassaanut piumasaqaatit ima qaffasitsigipput, allaat suliffeqarfiit nunaqavissunit pigineqartut neqeroorsinnaanatik, Niels Meinel ataatsimiinnermi oqarpoq.
Allaaserisaq tamaat uani sapaatit akunnerani Sermitsiami atuaruk. Aviisi uani pisiarisinnaavat: