Sanaartornermi nipiliornerit inissiat akiinik apparsaataassanngilaq
Nuummi inissiaatillit ernumagissanngilaat mittarfissuaq sananeqarpat inissiat akii appariartulissanngitsut, naak VVM-rapportip takutikkaluaraa mittarfimmik suliaqartut nipitungaatsiartarsinnaasut
Nuummi mittarfissuaq ukiuni marlunni pingasuniluunniit suliarineqarnerani qaartitsinerpassuaqartussaavoq, tamanna mittarfiup eqqaaniittunut sunniuteqartussaagaluartoq akinik apparsaataassanngilaq.
Nuummi Lynges.gl-imit Miki Lynge oqarpoq inissiaatilinnut eqquissanngitsoq. Tassami mittarfiliortoqarnerani inissiat akiisa apparnissaat naatsorsuutiginngilaa.
- Nuummi inissiat soqutigineqartorujussuupput. Aap pisisut tunisisunit amerlanerupput, tamanna inissaaleqisoqarnera takutippaa. Mittarfissuaq naammassippat inissiat suli soqutigineqarnerulissapput, immaqalu akisunerulissallutik, oqarpoq.
Inissiat nalingi assigiinngitsunik nalilersorneqartartut oqaatigaa. Erniat appasinnerat pissutaalluni inissiat nalingi qaffakkiartornikuupput, Nuummullu nutsertut suli amerlatsikkiartorlutik.
- Naak sanaartornermi nipiliortoqaraluartoq inissiat akii suli qaffasissumiittussaapput. Sanaartornissamut aki suli qaffasissorujussuuvoq, tassami maanna sanasut ulapittorujussuupput, Miki Lynge oqarpoq.
Maanna inissianik tunisinerit ingerlalluartut oqarpoq, tassami akit qaffasipput kiisalu tunisisoqapallattarluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...