Sanaartornermi akit qaffarialaartut – angallassineq appartitsisoq
Sanaartornermi akit qaffakkiartornerat annikilliartorpoq. Pingaartumik angallassineq akikinnerulerpoq, Naatsorsueqqissaartarfimmit kisitsisit nutaat tamanna takutippaat.
Sanaartornermi akit qaffariarujussuarnerisa kingorna, akit appariartoqqilerput.
Sanaartornermut aningaasartuutinut naleqqersuummik taagorneqartumi ukiumut allannguut 0,6 procentimik annertussuseqarpoq. Naatsorsueqqissaartarfimmit naatsorsuinerit tamanna takutippaat.
- Juulip aallaqqaataani 2023-ni sanaatornermi aningaasartuutip naleqqersuutaani ukiumut allannguut 0,6 pct.-imik annertussuseqarpoq. 2022-mi piffissami pineqartumi, 2021-mi juulimiit 2022-mi juulimut, allannguut 7,2 pct.-iusimavoq, Naatsorsueqqissaartarfik allappoq.
Assartuinermi appariarneq
Naleqqersuummi atortussanut, angallassinermut akissarsianullu aningaasartuutit assigiinngitsunik uuttuuteqarput.
Piffissami atortussanut akissarsianullu tunngasuni qaffariartoqarpoq, assartuinermilu appariartoqarluni.
Titartakkami ataani assigiinngitsut aamma 2016-imiillu ataatsimut naleqqersuummik takuneqarsinnaavoq:
