naapeqatigiittarfiit
'Salt bae' kalaallisoortoq nutaaq saqqummilerpoq
Qanittumi 'Salt bae' kalaallit ilaatigut ulumik atuiffiusoq saqqummissasoq, Ujarneq Fleischer oqarpoq
- Video tigulluarneqartupilussuuvoq. Kisianni soorunami akerliulluni oqaaseqarfigineqarpoq, ingammik uummasunik illersuisunit, amerlanersaallu tapersersuisuupput, ingammik tamaani Canadami.
Isiginnaartitsisartoq Ujarneq Fleischer Sermitsiaq.AG'mut oqarpoq, taanna internettimi nuannarineqarluartoq 'Salt bae' immikkuullarissumik taratsersuillunilu neqinik kitserisartoq issuaasimavoq.
- JJ Lennert Sandgreendip inuit naapeqatigiittarfiat Balloon sanasimavaa, tassanilu arlalinnik videoliornikuuvugut. Video't ilaanni nerisassani suut mamarinerikka aperineqarpunga. Taamaasillunga video una sanavara. Video sivisunerungaluarpoq, taamatullu killorsimavara internettimilu ingerlaartunngorsimalluni, Ujarneq Fleischer februarimiillu Canadami najugaqalersimasimasoq isiginnaartitsisarfimmilu Stratford Festivalimi isiginnaartitsisartuusoq, oqarpoq.
Tamaangali killinngilaq. Video'mut assigusumik sanaqqinnissani pilersaarutigilereersimavaa.
- 'Salt bae' video'mi ulu atussavara, taanna naapeqatigiittarfinni takuneqarsinnaalerumaarpoq, Ujarneq Fleischer oqarpoq.
Ujarneq Fleischerip 'Salt bae'mut issuaanera uani takujuk takoqqilluguluunniit: