Sallingip suliniutaa annertooq allatut siunnersuuteqartoqaraluartoq akuerisassanngorlugu innersuunneqarpoq
Kommuneqarfik Sermersuumi Ingerlatsiviup suliniuterujussuup, Jens Sallingimit aamma Imarsiornermik Ilinniarfimmit suliniutigineqartup, akuerineqarnissaa innersuuppaa.
Nuummi sanaartornermik suliniut annertooq, Nunataaq, marlunngornermi siumut alloriarfiusinnaavoq, tassani Kommuneqarfik Sermersuumi aningaasaqarnermut ataatsimiititaliap suliarisussaavaa.
Polar Seafoodimi piginnittuusimasoq Jens Salling aamma Imarsiornermik Ilinniarfik suleqatigiillutik Nuummi talittarfiup eqqaani qeqertannguami sanaartorniarput, taamaalilluni Imarsiornermik Ilinniarfiup isumannaallisaaneq pillugu pikkorissaaneranut atorneqartarniassammat.
Tassani aamma annanniutinut atortunut ikaartarfeqassaaq kiisalu nunaminertani illut aalisakkeriviup sullissineranut aamma sakkunut atortussanullu inissivissatut atorneqartussat.
Allatut toqqagassap itigartissutiginissaa inassutigigaa
Suliniutip akuerineqarnissaa ingerlatsiviup politikerinut inassutigaa, kiisalu suliniutip allamut inissinneqarnissaanut siunnersuutigineqartoq itigartitsissutigissagaat.
Suliniut alla Avataq ApS-imit nassiunneqarpoq. Suliffeqarfik pilersinneqalerpoq, kisianni siornatigut suliffeqarfiup KM-L Service ApS-ip ingerlanneranit misilittagaqarpoq.
Allatut siunnersuummi qinnuteqartup sumiiffik siunertanut arlalinnut atorniarpaa:
- Umiatsialivik puttasullu
- Atoqqitassaasivik
- Atortussanik betonimik kuitsiviliorfik
- Biilinik inissiisarfik isumannaallisagaq
- Inissiigallartarneq
Kisianni allatut siunnersuutip itigartinneqarnissaa ingerlatsiviup inassutigaa, ataatsimiititaliallu suliniut Nunataaq kommunalbestyrelsemi akuerineqartussanngorlugu inassutigaa.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...