pinngortitaq avatangiisillu
Saligaatsoq nersornaaserneqarnissamut innersuunneqartoq
Nunat avannarliit siunnersuisooqatigiivisa Saligaatsoq pinngortitamut avatangiisimullu nersornaasiinissamut innersuuppaa
Saligaatsoq - Avatangiiserik nersornaaserneqartussatut innersuunneqarpoq.
Nuummi inuit 300-ut suliffeqarfinnit 27-neersut peqataanerat saqqummiunneqartareerpoq, tassani pinngortitamik saliisoqarluni.
Saligaatsoq, 2010-mi Mads Lumholdtimit aallartisarneqartoq, nalunaarutigineqarpoq Nunat avannarliit siunnersuisooqatigiivisa pinngortitamut avatangiisinullu nersornaammut tunniuttagaanut innersuunneqartoq sisamanngormat.
Nunat aqqanillit avannarlerneersut allat nersornaammut aamma innersuussaqarput.
Saliisitsineq CSR Greenlandimit suliffiillu suleqatigineqartut maannakkut aaqqissuunneqartarpoq, Namminersorlutik Oqartussat, Kanukoka, Qeqqata Kommunia aamma Kommuneqarfik Sermersooq saliinermi suleqataasarlutik.
Nunat avannarliit siunnersuisooqatigiivisa pinngortitamut avatangiisinullu nersornaasiuttagaat kommunimut suliniaqatigiiffinnulluunniit tunniunneqartarpoq.
Nunat 13-it tamarmik aalajangiisussamik inuttaqarput, taakkulu tassa aalajangissavaat kikkut nersornaammik tigusisuussanersut. Nunat tamarmik marlunnit aalajangiisussanik peqarput, kisiannili Kalaallit Nunaat, Savalimmiut Ålandilu ataasiinnarmik peqarlutik.
Ajugaasut oktobarip 29-ani Nunat avannarliit siunnersuisooqatigiivisa Stockholmimi ataatsimiinneranni saqqummiunneqassapput.
Nersornaaserneqartussatut innersuunneqarput:
- Saligaatsoq – Avatangiiserik (Kalaallit Nunaat)
- Lokalsamfundet Gjógv (Savalimmiut)
- Gladsaxe Kommune (Danmark)
- Hallstahammars kommune (Sverige)
- Iin kunta / Ijo kommune (Finland)
- Jyväskylä illoqarfik (Finland)
- Lejre Kommune (Danmark)
- Middelfart Kommune (Danmark)
- Reykjavík kommune (Island)
- Gården Skaftholt i kommunen Skeiða- og Gnúpverjahreppur (Island)
- Snæfellsnes, kommunit tallimat suleqatigiit (Island)
- Sólheimar (Island)
- Växjö kommune (Sverige)