Sakkutuut imarsiortut Nuummi sungiusarniartut
Sakkutuut imarsiortut umiarsuarpassui nunanit tamalaanit peqataasoqarlutik Nuup Kangerluani sisamanngorpat sungiusassapput.
Sisamanngorpat Nuup Kangerluani sakkutuut imarsiortut umiarsuaat arlallit takuneqarsinnaassapput, Issittumi Sakkutooqarfik ilisimatitsivoq.
Tamatumunnga pissutaavoq, sakkutuut imarsiortut sungiusartarnera NANOOK Nuummi ingerlanneqarniarnera, Issittumi Sakkutooqarfik Facebookimi allapoq, sakkutooqarfik peqataassasoq umiarsuaq alapernaarsuut Triton atorlugu.
Tamatuma saniatigut umiarsuit qulimiguullillu Canadameersut, USA-meersut Frankrigemeersullu aamma peqataassapput.
- Imarsiortut nunamut ikaarsinnaassanngitsut
- Sungiusarnissami siunertarineqartut ilagaat, Issittumi imaatigut angalanermi misilittagaqalernissaq, tamannarpiarlu pissutigalugu umiarsuaq alapernaarsuut TRITON sisamanngorpat Nuup Kangerluani siuttuulluni angalaarniarpoq, Issittumi Sakkutooqafik allappoq.
- Umiarsuit nunanit allaneersut ataasiakkaat kingusinnerusukkut nunamut talissapput, atortussaminnik aallerlutik, COVID-19-ili pissutigalugu imarsiortut Nuummut ikaarsinnaassanngillat, Issittumi Sakkutooqarfik nangilluni allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...