Sakkutooqarfiusimasut salinneqarnissaat: Isumaqatigiissutit siulliit atsiorneqangajalerput

Kommuneqarfik Sermersuup naatsorsuutigaa isumaqatigiissutit siulliit juulip naanerani atsiorneqassasut. Suliffeqarfiit kalaallinit pigineqartut marluk suliariumannittussarsiuussinermi akuerineqarput.

Sumiiffinni marlunni, Ikkattermi Tunumiittumi aamma Marrarmi Kitaaniittumi, amerikamiut sakkutooqarfigisimasaanni saliinissat aallartingajalerput.

Sumiiffiit taakku marluk pineqartut saniatigut sumiiffiit 17-it naliliiffigineqarsimapput. Sumiiffiillu allat suli misissorneqartussaallutik.

Suliffeqarfiit marluk kalaallinit pigineqartut peqatigalugit isumaqatigiissutit juulip naanerani atsiorneqassasut, Kommuneqarfik Sermersuup naatsorsuutigaa.

- Kommuneqarfik Sermersuup, saliiffissani siullerni
marluussuni, tassalu Ikkattimi aamma Marrarmi, sulititsisuusussap maajip naanerani suliassat tamanut ammasumik suliariumannittussarsiuuppai. Kommuneqarfik Sermersooq Ikkatteq aamma Marraq pillugit suliariumannittussarsiuussinermut atatillugu suliffeqarfmnik kalaallinit pigineqartunit, akikinnerpaamik neqerooruteqartunik ataatsimeeqateqarpoq. 2019-imi juulip naanerani isumaqatigiissutit atsiomeqamissaat Kommuneqarfik
Sermersuumit naatsorsuutigineqarpoq.

Sakkutooqarfiusimasut saliiffigineqarnissaannut tunngatillugu Justus Hansenip (D) apeqqutaanut Naalakkersuisut Siulittaasuata, taamatullu Avatangiisit pillugit Naalekkersuisup, Kim Kielsenip (S) akissutaani taama allassimavoq.

Sumiiffiit marluk siulliunneqassapput

Paragraf 37 atorlugu apeqquteqaammi akissutiminni Naalakkersuisut ilisimatitsipput Tunumiittoq Ikkatteq aamma Kitaaniittoq Marraq salitassani siulliunneqassasut.

Saliisoqarnissaanut isumaqatigiissut januaarimi 2018-imi inissinneqarmat, aqutsisoqatigiit pilersinneqartut sumiiffinni arlalinni, amerikamiunit atorneqarunnaarsimasuni, misissuisimapput.

- Aqutsisooqatigiit, isumaqatigiissut atuutsilerniarlugu
pilersinneqarsimasut maannamuugallartoq sumiiffiit, naalakkersuinikkut isumaqatigiissut tunngavigalugu saliinissap pisariaqartinneqarneranik naliliinissaq siunertaralugu misissorneqartariaqartut allattorsimaffigigallagaannik
suliaqarsimapput. Tamatuma saniatigut sumiiffinnik, naalakkersuinikkut isumaqatigiissummut ilaatinneqassanersut paasiniarlugu sukumiisumik misissuiffigineqartussanik peqarpoq, akissummi allassimavoq.

Aqutsisoqatigiit sumiiffiit takuniarneqartussatut immaqalu salinneqartussatut naliliiffigineqartut allattorsimaffigigallagaannik suliaqarsimavoq. Allattorsimaffigigallakkami sumiiffiit katillugit 19-it, Kitaani Tunumilu inissisimasut, ilanngunneqarsimapput.

Naalakkersuisut Siulittaasuata Kim Kielsenip akissuteqaataani ilisimatitsissutigineqanngilaq suliffeqarfiit sorliit saliissanersut.

Powered by Labrador CMS