Skip to main content

Sakkutooqarfiup ataani sermeq ingerlaartoq

1959-imi pilersinneqarnerminiilli Camp Century immap tungaanut 232 meterinik nikissimavoq, GEUS-imit ilisimatuut sermip ataani eqqakkanik misissuisimasut inerniliipput

Camp Centurymi toqqorsiveqanngilaq imaluunniit qimatakunik allanik 
ilisimaneqanngitsunik peqarani. GEUS-imit ilisimatuut 2017-imi aasaanerani radarimit paasissutissat 80 kilometeriusut atorlugit sakkutooqarfiusimasumik misissuinerminnit taama naliliipput.

Radarimit paasissutissat misissorneranni sakkutooqarfiusimasup itissusaa siammasissusaalu nalunaarsorneqarput, tassanilu allassimavoq 1959-imi pilersinneqarnerminiilli Camp Century kujammut kimmut 232 meterinik nikissimasoq.

Suli ukiorpassuit
– 1959-imut naleqqiullugu Camp Century Sermersuup killinganut nikissimavoq. Sulili sermip killinganiit 100 kilometerimiippoq, taamaattumik ukiorpassuit ingerlagallassapput sumiiffiup aallerinarsinissaanut. GEUS-imi ilisimatooq Nanna B. Karlsen radarimit paasissutissat atorlugit sulinermi siuttuusimasoq oqarpoq.

Radari atorlugu uuttortaanerit aamma takutippaat qinnguarnerit utersaarnerisa paasineqartut amerlanersaat sullorsualiornernut matuukkanut imaluunniit apummik qalliisimanermut naapertuuttut. Siusinnerusukkut imerpalasunik toqqorsiviit aamma qalliunerusut isasoorsimanerannit aamma paasineqarsinnaasut imaluunniit glykolimut toqqorsivik eqqarsaatigalugu 135 meterit missaannik ititigisumit sakkortuumik utersaartitsisarneq atorlugu paasineqarput. Ilisimatuut naapertorlugit toqqorsivik taanna suli itinerusumut ingerlaarpoq. 

Allaaserineqartoq aviisimi Sermitsiami atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER