suliffeqarneq
Sakkutooqarfik kalaallinik inuusuttunik sakkutuussarsiorniarpoq
Sakkutooqarfik illoqarfinni arfineq-pingasuni paasititsiniaalluni ataatsimiisitsissaaq
Sakkutooqarfik piffissami aggustip 16-ianit septembarip tallimaata tungaanut illoqarfinni anginerusuni arfineq-pingasuni paasititsiniaallutik inuusuttunik sakkutuussarsiorniarput.
Sakkutooqarfiup illoqarfinni timersortarfiit atussavaat, tassanilu Issittumi suliassat, sakkutuutut ilinniarfiit amma Sakkutuuni suliffissat paasissutissiissutigalugit, Issittumi Sakkutooqarfik Facebookimi ilisimatitsivoq.
Atuaruk: Kalaallit inuusuttut sakkutuussatut qinnuteqartikkusuppaat
Timimik misilittaaneq
Takkuttut aamma timimikkut allassinnaanermullu misilitsinnissaminnut periarfissaqassapput.
Sakkutooqarfiup paasititsiniaaneranik aaqqissuussaq taagorneqarpoq, taanna Namminersorlutik Oqartussat, kommunit aamma Piareersarfiit suleqatigalugit suliarineqarpoq.
Kalaallit aamma savalimmiormiut qallunaat assiginagit sakkutuujusussaanermut ilaanngillat - taamaattumillu sakkutuunut peqataanerat piumassutimmik aallaaveqarpoq.
Atuaruk: DF-p kalaallit savalimmiormiullu sakkutuujusalersikkusuppai