Skip to main content

Sakkut nutaat atorlugit Kalaallit Nunaanni puigortunngortut nassaariniarneqartassapput

Aalborg Universitetimi ilisimatuut puigortunngortunik misissuinissamut sakkussanik nutaanik ineriartortitsisimapput. Sakkut Kalaallit Nunaanni pissutsinut naleqqussagaapput.

Danskit missueriaasiat, puigortunngortunik takutitsisussaq Kalaallit Nunaanni atussallugu pitsaavallaanngilaq. Kalaallip nakorsap Inaluk Kleistip tamanna paasisimavaa:

- Kalaallit kulturiat eqqarsariartaasiallu isumaqarput, misissuineq aamma ’kalaallisut’ ingerlanneqartassaaq. Tamannali qanoq ingerlatissavarput? Aamma iliuutsivut ajunngitsutut isumaqarfigaavut, Inaluk Kleist aperivoq.

Inaluk Kleist Aalborg Universitetshospitalimi suliniummut peqataavoq, tassani ilisimatuut puigortunngortunik misissuinissamut sakkussanik, Kalaallit Nunaanni pissutsinut naleqqussakkanik ineriartortitsisimapput.

Sineriammi atorneqarsinnaassasoq

Napparsimmavik naapertorlugu inuit ukioqqortusiartornerat malillugu puigortunngorsinnaaneq qaninnerulertarpoq, tamanna aamma Kalaallit Nunaanni atuuppoq.

Suliniuteqarnermi anguniagaavoq, sakkut sineriammi napparsimmaviup immikkoortortaqarfiini napparsimmavinnilu mikinerusuni atorneqartarnissaat:

- Napparsimasut napparsimmavinni danskinit kalaallinillu misissorneqartarput, oqalutsillu assigiinngitsut apeqqutinut assigiinngitsunik nassuiaasersorsinnaasarlutik.

Oqaatsitigut nutserinerinnaanngitsoq

- Tamanna annikinnerpaaffianiitinneqassaaq atortut kalaallisut danskisullu ineriartortitaammata, aamma nutserisarneq oqaatsitigut nutserinerinnaasanngilaq, Inaluk Kleist suliniut Velux Fondenimit aningaasaliiffigineqarsimasoq pillugu nassuiaavoq.

Ilisimatuullu sakkussanik nutaanik ineriartortissimasaminnik suliaqarlutik naammassingajalerput. Nuummi Geriatrimik, Neurologimik, Terapiafdelingimi Psykiatrimilu ilisimasallit misissuutissat ilaannik toqqaasimapput, taakku Inaluk Kleistip Kalaallit Nunaanni pissutsinut naleqqussarsimavai:

- Misissuinermi atortoqareerpugut, Kalaallit Nunaanni inunnik 65-it sinnerlugit ukiulinnik misissuinissamut atugassatut ineriartortinneqarsimallutillu misilerarneqareersimasunik. Maanna misissuinermi paasisat aaqqissuunneqassapput, sakkullu nutaat atulersinnagit uppernartuuneri qulakkeerniarlugit suliarineqarsimallutik, Inaluk Kleist oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER