Sakkortuumik saassussineq pinngitsoorpoq – suli maannamut
Kommuneqarfik Sermersuumi borgmesterimut Siumup sorsunnini annikillisippaa. Eqqarsarluarluni isumatusaarlunilu illuatungiliunnerup suliat akornutaasut pinngitsoortissavai.
Suli eqqissisimatitsisoqanngilaq, kisianni Kommuneqarfik Sermersuumi borgmesterip katersuuffiuneranut Siumup saassussinissani unitsippaa. Kommunip borgmesteritaavata eqqissisimatinneqarnissaanik tamanna isumaqanngilaq, tassami suli qulaajagassaqarpoq, Siumup gruppiani siulittaasoq, Inga Dora Markussen aviisimut AG-mut oqarpoq.
Siumut kommunalbestyrelsimi sulinermi isumatusaarniartoq aamma kommunalbestyrelsimi partiinik allanik isumaqateqarluni suleqateqarnissamik ujartuiniartoq, taanna erseqqissaavoq, kisianni peqatigisaanik eqinnaatsumik eqqarsarluartumillu illuatungiliuttuuniarneq. Suliat artukkiisut nutaat pinngitsoortinniarneqassapput.
- Suli qulaajagassaqarlunilu torersagassaqartoq isumaqarpugut, borgmesterip Aningaasaqarnermut Inuussutissarsiornermullu Ataatsimiititaliamut kommunalbestyrelsimulluunniit saqqummiussai amigarsorigutsigit, arlaatigut malersussavavut. Kisianni Siumut aamma aaqqiissuteqarnissamik siunertaqartarpoq, suliallu maanna kommunimi qaqinneqartut pinaveersaartinniarpavut, Inga Dora Markussen oqarpoq.
Aviisimi AG-mi atuarnerusinnaavutit. Aviisi uani pissarsiariuk: